माध्यमिक शिक्षा परीक्षा सुरु

खोज पत्रिका बिहिबार, २०८२ चैत्र १९, ११ :३५ बजे

काठमाडौं । माध्यमिक शिक्षा परीक्षा (एसईई) आजदेखि देशभर एकसाथ शुरु भएको छ ।

देशभर बिहान ८ बजेदेखि परीक्षा केन्द्रहरूमा परीक्षार्थीहरूले अनिवार्य अंग्रेजी विषयको परीक्षा दिएका थिए । राष्ट्रिय परीक्षा बोर्डकाअनुसार यस वर्ष देशभर ५ लाख १२ हजारभन्दा बढी विद्यार्थी एसईईमा सहभागी छन् ।

परीक्षा बिहान ८ देखि ११ बजेसम्म सञ्चालन हुन्छ । परीक्षा नियन्त्रण कार्यालयले परीक्षा शान्तिपूर्ण, निष्पक्ष र मर्यादित रूपमा सञ्चालन गर्न सबै तयारी पूरा गरेको जनाएको छ ।

परीक्षा केन्द्रमा मोबाइल फोन, घडी लगायतका सामग्री प्रतिबन्ध गरिएको छ भने कडा सुरक्षा व्यवस्था मिलाइएको छ ।

क्याटेगोरी : देश/दुनियाँ, प्रमुख समाचार, विचार/लेख, समाचार