प्रधानमन्त्री ओली र काठमाडौं मेयर बालेनको टकराव, कसैसँग नझुक्ने बालेनको अडान

काठमाडौं । सरकारको नेतृत्व गरेका नेकपा एमाले अध्यक्ष केपी शर्मा ओली र देशको सबैभन्दा ठूलो महानगरपालिका काठमाडौंका मेयर बालेन साहबीच वाकयुद्ध छ । प्रधानमन्त्री ओली र बालेन एउटै कार्यक्रममा समेत उपस्थित हुदैनन् । काठमाडौं महानगर आयोजक भएको कार्यक्रममा समेत ओली सहभागि हुने भए बालेन हुँदैनन् । पछिल्लो समय महानगरमा प्रमुख प्रशासकिय अधिकृत सरकारले नपठाइदिदा झनै तिक्तता बढिरहेको छ ।

प्रधानमन्त्री केपी शर्मा ओली र काठमाडौं महानगरपालिकाका मेयर बालेन साहबीच विगतदेखि नै जुहारी चल्दै आएको छ । ओलीलाई कटाक्ष गर्ने बालेनबिरुद्ध सिंगो एमालेजन नै खनिएका देखिन्छन् । काठमाडौं महानगरपालिकाभित्रै संघीय सरकारका सबै संरचना र कामकारवाही हुन्छन् । सरकार र काठमाडौं महानगरबीच समन्वय नै भएर विकासका काम गर्नुपर्ने हो । तर, यहाँ विगतदेखि नै जुहारी चलिरहेको छ ।

सरकार बालेनलाई सहयोग भन्दा पनि कसरी गलाउन सकिन्छ भन्ने ध्याउन्नमा छ । बालेन ओली सरकारदेखि टसको मस हुने देखिदैन । किनकि सार्वजनिक अभिब्यक्ती दिएर आलोचना गर्ने प्रधानमन्त्री ओली र एमाले नेताहरुलाई उनले सामाजिक सञ्जालमार्फत बारम्बार प्रहार गरिरहेका छन् । मेयर बालेनले लगातार प्रधानमन्त्री ओलीलाई सम्बोधन गरेर महानगरका लागि प्रमुख प्रशासकिय अधिकृत पठाइदिन आग्रह गरिरहेका छन् । तर, प्रधानमन्त्री ओलीले त्यसको ब्यवस्था गर्दा बालेनले सामाजिक सञ्जाल मार्फत निरन्तर प्रहार गरिरहेका छन् ।

बालेनले कहिले प्यारो प्रधानमन्त्री त कहिले प्रधानमन्त्री ज्यू भन्दै सरकारले गरिरहेका कामकारवाहीमा प्रश्न उठाइरहेका छन् । तर, त्यसको प्रतिकारमा एमाले नेताहरु दौडधुप गरिरहेको देखिन्छ । दुई दिनअघि मात्रै बालेनले मलाई हराउने ताकमा देशलाई नै नडुवाउनुहोला भन्दै ब्यङग्य गरेका थिए ।

बालेनले सोमबार फेरि प्रमुख प्रशासकिय अधिकृत नपठाएको र विभिन्न अडान लिएको भन्दै सामाजिक सञ्जालबाट आक्रोश पोखेका छन् । उनले भ्रमको खेतिमा पीएचडी पाउन मिल्ने हो भने अहिलेको सरकारलाई दिए हुन्छ भन्दै ब्यङग्य गरेका छन् । उनले बुदागत रुपमा आफूमाथि लगाएका आरोपको खण्डन समेत गरेका छन् । भ्यू टावरको नक्सा पासको स्वीकृति मेयरले दिएको भन्ने प्रचारित भ्रम, कार्यकारी टिक्दैन भनेर फैलाउन खोजिएको भ्रम, काठमाण्डौँमा कार्यकारी जान मान्दैनन् भन्ने लज्जास्पद, लाचार र गैरजिम्मेवार भनाई, ऐनले पालिकालाई नै निमित्त तोकेर काम गर्ने अधिकार दिएको छ भन्ने फैलाइएको भ्रम, कार्यकारीको छानविनको रिपोर्ट लुकाइयो भन्ने भ्रम फैलाइएको गुनासो मेयर बालेनले गरेका छन् ।

मेयर बालेन अघि लेख्छन् प्रधानमन्त्री केपी ओलीज्यू, हामी तपाईका दुश्मन होइनौँ, विकासका साझेदार हौँ । हामीले गरे जति विकासका सबै काम पनि तपाईकै कार्यकालमा भएका हुन् भनिदिउँला । तर त्यसो भन्दा पत्याउने बनाउन आग्रह, पुर्वाग्रहबाट मुक्त भएर विकासमा साझेदारी गरि त्यो दाबी गर्न सक्ने ल्याकत बनाउने जिम्मा तपाईकै हो । अनि जति भ्रम फैलाए पनि, हामी तपाईको भ्रष्ट कार्यकर्तासँग झुक्दैनौँ ।

महानगरलाई जतिसुकै नाकाबन्दी लगाउनुहोस्, नियतमा फरक पर्दैन । अहिलेका लागि देशमा आवश्यक सबै भन्दा ठुलो कुरा सुशासन हो । भ्रष्टहरूविरूद्धको लडाइँ हो । सुशासनका लागि जोसँग जुध्नु परे तयार छु, तर सम्झौता गर्दिन । सुशासन कायम गरेरै छोड्छु ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने