गठबन्धनका कारण देश गम्भीर अवस्थामा छः एमाले अध्यक्ष ओली

खोज पत्रिका बुधबार, २०८० माघ १७, २२ :३८ बजे

काठमाडौं । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले वर्तमान गठबन्धनका कारण देश गम्भीर अवस्थामा पुगेको बताएका छन् ।

बुधवार सिन्धुपाल्चोकका पाँचपोखरी थाङ्पाल गाउँपालिकाको प्रशासकीय भवन उद्घाटन कार्यक्रममा उनले एमाले सरकारमा जान हतार नगर्ने र गठबन्धनले काम गर्न नसके जुर्मुराउनुपर्ने बताएका हुन ।

उनले ०८४ को निर्वाचनमा सम्पूर्ण ठाउँ एमालेले जित्नुपर्ने भन्दै गठबन्धनका कारण अहिले देशमा ग्रहण लागेको दाबी गरे । एमालेलाई छेक्न ८ वटा राजनीतिक दलहरु लागेको उनको भनाई छ ।

गठबन्धनका दलहरुबाट देश बनाउने कुरा भन्दा गठबन्धन बनाउने र जोगाउने कुरा मात्तै बढी सुनिएको ओलीको जिकिर छ ।

क्याटेगोरी : प्रमुख समाचार, राजनीति, विचार/लेख, समाचार