मंसिर ७ एकै ठाउँ, एकै समय दुर्गा प्रसाईँ र युवा संघको आन्दोलन !

काठमाडौं । मंसिर ७ गते नेकपा एमालेको भातृसंगठन युवा संघ र मेडिकल ब्यवसायी दुर्गा प्रसाईँले काठमाडौंको माइतीघरमा विरोध प्रदर्शन गर्ने भन्दै आक्रामक प्रचार–प्रसार गरिरहेका छन् । शक्ति प्रदर्शनका नाममा एमाले नेता महेश बस्नेत र दुर्गा प्रसाईँले माइतीघरलाई आ–आफ्ना समर्थक बोलाएर भिड्ने रणनिति बनाइरहेका छन् । बस्नेत र प्रसाईँले एकै ठाउँ, एकै समय कार्यक्रम गर्ने गरी प्रचार–प्रसार गरिरहँदा काठमाडौं प्रशासन भने मौन छ ।

मंसिर ७ गते काठमाडौंको माइतीघर मण्डलामा विरोध प्रदर्शनका लागि यूवा संघ र मेडिकल ब्यवसायी दुर्गा प्रसाँई शक्ति प्रदर्शनको होडमा दौडिरहेका छन् । सार्वजनिक कार्यक्रममै एक अर्कोलाई गाली गर्दै हिडिरहेका नेकपा एमालेका नेता महेश बस्नेत र मेडिकल ब्यवसायी दुर्गा प्रसाईँ अहिले मंसिर ७ गते एकै ठाउँ एकै समय शक्ति प्रदर्शन गर्ने भन्दै टोल–टोलमा पुगिरहेका छन् । माइतीघरमा मानिस जम्मा गर्न बस्नेत र प्रसाईँको दौडधुप चलिरहेको छ ।

सार्वजनिक कार्यक्रममै बस्नेत र प्रसाईँले माइतीघरमै भिड्ने भन्दै धम्की दिइरहेका छन् । एकले अर्कोलाई तल्लोस्तरको गाली गर्नु अनि एकैदिन माइतीघरका कार्यक्रम राख्नुलाई भिड्ने नै योजना दुबैको देखिन्छ । माओवादी हुँदै एमालेको राजनीति र नेताहरुको चुलोचौकामा पुग्दै नाडी छामेका दुर्गा प्रसाईँ पूर्वतिर र देशका विभिन्न स्थानबाट माइतीघरमा सर्वसाधरण ल्याउने रणनितिले प्रचार–प्रसार गरिरहेका छन् ।

महेश बस्नेत पनि सरकार बिरुद्ध, भ्रष्टाचार बिरुद्ध भन्दै भक्तपुरदेखि विभिन्न स्थानबाट युवा संघका प्रतिनिधि काठमाडौंमा उतार्ने उदेश्यसहित खटनपटनमा लागिरहेका छन् । बस्नेत गणतन्त्र जोगाउने र प्रसाईँ राजतन्त्र ल्याउने दुवैको उदेश्य अलग छ । एकै समयको कार्यक्रमलाई लिएर कसले पहिले घोषणा ग¥यो भन्ने विवाद पनि उत्तिकै छ ।

एकले अर्कोलाई भिड्न कार्यक्रम जुधाएको दावी गरिरहेका छन् । ब्यक्तीगत रिसिईवी नै साधेर बस्नेत र प्रसाईँ दौडिरहेका छन् । प्रसाईँले मुक्त आन्दोलनका नाममा बैंक तथा बित्तिय संस्थाबाट पीडित नागरिकलाई माइतीघरमा उतार्ने भन्दै गाउँ टोलमा पुगिरहेका छन् । प्रसाईँले राजतन्त्र ल्याउने भन्दै पूरानो राष्ट्रिय गान समेत कार्यक्रममा बजाउन थालेका छन् ।

सरकारलाई नै चुनौति प्रसाईँले विभिन्न गतिविधि गरिरहेका छन् । प्रसाँईसँग भिड्ने गरी महेश बस्नेतले पनि अनेक लान्छना र धम्की दिइरहेका छन् । तर, दुबैले प्रचार–प्रसारलाई तिब्रता दिदै ब्यानर पम्पलेट र घरदैलो अभियान गर्दा एकै ठाउँ एकै समय कार्यक्रम बताइरहँदा समेत जिल्ला प्रशासन कार्यालयले केही जानकारी नभएको जनाएको छ ।

काठमाडौं जिल्ला प्रशासन कार्यालयका प्रवक्ता रविन्द्रप्रसाद आचार्यले प्रचार–प्रसार र कार्यक्रमबारे केही थाहा नपाएको र जानकारी पनि नआएको बताए । प्रशासनलाई थाहै नहुनु र माइतीघरमा दुबै पक्षले मानिसहरु जम्मा गर्दै गर्दाको अवस्थालाई बेलैमा सोच्ने होइन भने ठूलो समस्या निम्तनेमा दुई मत छैन् ।

थप समाचार

शेख हसिनाको पार्टी बंगलादेशमा आतंककारी घोषित

जम्मु काश्मीरमा कति छन् नेपालीः दूतावाससँग तथ्यांक नै छैन

नीति तथा कार्यक्रम आज पारित हुने, संसदमा प्रधानमन्त्रीले जवाफ दिने

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…