सरकार फेरबदलको चर्चाले सत्तारुढ गठबन्धनमै हलचल, समाजवादी मोर्चा गठनले कांग्रेस पनि असन्तुष्ट !

काठमाडौं । आगामी आर्थिक वर्षको बजेट र समाजवादी मोर्चा गठनले सत्तारुढ गठबन्धनभित्र मतभेद देखिएको छ । यहिबेला संसदका दुई ठुला दल नेपाली कांग्रेस र नेकपा एमालेबिच नया गठबन्धन बन्नसक्ने बिषय सतहमा आएको छ । एमालेका नेताहरु नया गठबन्धनका लागी तयार रहेको बताईरहेका छन । कांग्रेस महामन्त्री गगन थापाले समेत गठबन्धन फेरीनु कुनै नौलो बिषय नभएको अभिब्यक्ती दिएका छन् । प्रधानमन्त्री पुष्पकमल दाहाल ‘प्रचण्ड’ले सत्ताको बागडोर सम्हालेको आधा वर्षमै सत्ता पुनः एकपटक सत्ताको समिकरण फेरबदल हुने बिषयले चर्चा पाएको छ ।

प्रधानमन्त्री प्रचण्डको सरकारलाई हटाउन कांग्रेस र एमालेबिच नया समिकरणको तयारी भइरहेको बिषय सतहमा आएको हो । यसरी दुई ठुला पार्टी बिच सत्ताका लागी नया गठबन्धनको चर्चा चलेका बेला कांग्रेस महामन्त्री गगनकुमार थापाले पनी त्यसलाई बल पुग्ने अभिब्यक्ती दिएका छन । शनिबार काठमाडौँमा भएको एक कार्यक्रममा थापाले चित्त बुझेन भने गठबन्धन फेरीनु स्वभाबिक भएको बताएका छन ।

पछिल्लो समय सरकारमाथी असन्तुष्ट पोख्दै आएका थापाले संसदको रोष्टममै उभिएर आफ्नै पार्टीका अर्थमन्त्रीले ल्याएको आगामी आर्थिक वर्षको बजेटको चर्को आलोचना गरेका थिए । प्रधानमन्त्री पुष्पकमल दाहाल ‘प्रचण्ड’को कार्यशैलीमाथी नै प्रश्न उठाउदै आएका थापाले गठबन्धन ठिक ढंगले नचले फेरीन पनी सक्ने बताएका हुन ।

कांग्रेस महामन्त्री थापाको यस्तो अभिब्यक्तीले अहिले सत्तारुढ गठबन्धन भित्र हलचल ल्याएको छ । त्यसोत सत्तारुढ गठबन्धनको चौथो ठुलो दल नेकपा एकीकृत समाजवादीका अध्यक्ष माधबकुमार नेपालले समेत गठबन्धन परिवर्तको प्रयास भएको भन्दै चिन्ता ब्यक्त गरेका थिए । नेकपा एमालेका अध्यक्ष केपी शर्मा ओलीले कम्युनिष्ट सरकारलाई ढालेर दलाल पुँजीवादी काँग्रेससँग सरकार बनाउन तयारी गरिरहेको आरोप नेपालले लगाएका थिए ।

कांग्रेससँग मिलेर नया गठबन्धन बनाउन लागेको आरोप लागेका बेला नेकपा एमालेका उपाध्यक्ष युबराज ज्ञवाली भने प्रधानमन्त्री प्रचण्डको सरकार आफ्नै कारणले ढल्ने बताउछन । सरकार बनाउने अबस्थामा एमाले सधै तयार रहेको भन्दै उनले कांग्रेस एमालेको गठबन्धन बन्ने सम्भावनालाई नकार्न नसकिने बताएका छन ।

नया सरकार गठनका लागी कांग्रेस एमालेका दोश्रो तहका नेताहरु सघन संवादमा रहेको बताइएको छ । धेरै साना दलहरुको समीकरण बन्दा राजनीतिक अस्थिरता हुने भन्दै कांग्रेस एमालेका दोश्रो तहका नेताहरुले नया गठबन्धनका लागी सक्रियता देखाएको बताइएको छ ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने