कोकाहको पानी धरानमा झरेपछी हर्क सामपाङको आँखाबाट खस्यो आशु…

खोज पत्रिका मङ्लबार, २०८० जेष्ठ ३०, १९ :४५ बजे

काठमाडौं । सुनसरीको धरान उपमहानगरपालीकाका मेयर हर्क सामपाङ राईले कोकाहको पानी धरानमा ल्याएका छन । खानेपानीको चरम अभाबले धरानबासी काकाकुल बनेका बेला मेयर हर्क सामपाङको नेतृत्वमा कोकाहको पानि धरानमा आएको हो । कोकाहको पानी धरानमा झरेपछी हर्क भाबुक बनेका थिए ।

धरानमा अहिले खानेपानीको हाहाकार छ । त्यसोत हरेक गर्मियाममा धरानबासीले काकाकुल हुनुपर्ने बाध्यता छ । लामो खडेरीका कारण वरपरका पानीका मुहानहरु सुक्न थालेपछी धरानमा ४० किलोमिटर टाढा कोकाहबाट पानि ल्याइएको हो । देश विदेशबाट प्राप्त आर्थिक सहयोग र धरानबासीको श्रमदानबाट धरानमा पानी पुगेपछी मेयर हर्क सामपाङले आशु थाम्नै सकेनन् ।

कोकोहाको पानी धरानमा नखसालेसम्म धरान आउदिनँ भनेर तीन दिनदेखि फिल्डमै व्यस्त रहेका उपमहानगरपालिकाका प्रमुख हर्कराज राई अन्ततः पानी ल्याउन सफल देखिएका हुन । करिब ४० किलोमिटर दूरी पार गरेर कोकाहाको पानी गएराति १२ बजेर ३ मिनेटमा माया धराने साबुन उद्योग निर्माणस्थलको केही उत्तरमा पर्ने पकुवा खोलामा वास आउट पोइन्टमा झरेको थियो ।

श्रमदान अभियानमार्फत पाँच इन्चे पाइपमार्फत कोकाहाको पानी ल्याउन सफल भएपछि मेयर हर्क सामपाङ भावुक भए, रोए अनि स्वदेश र विदेशका दाता, संघसंस्था, श्रम अभियानमा संलग्नहरूलाई आभार व्यक्त गरेका थिए । उक्त पानीले धरानका खानेपानी उपभोक्तालाई तत्कालका लागि राहत हुने उनको विश्वास छ ।

मेयर हर्क सामपाङले स्वतन्त्रबाट विजयी भएलगत्तै खानेपानी अभियानलाई तिव्रता दिएका थिए । अनबरत प्रयासपछी कोकाहको पानी धरानमा ल्याउन सफल भएको मेयर हर्क गफ मात्रै गर्दैनन्् काम पनी गर्छन भन्ने पुष्टि भएको छ ।