पूर्वराजा ज्ञानेन्द्र शाह र झलनाथ खनालको के हो बिवाद ? देशमा घुम्न नदिने खनालको चेतावनी

काठमाडौं । पछिल्लो समय सडक देखि सदनसम्म राजाबादीहरुले राजतन्त्र पुर्नबाहालीको माग गरिरहेका छन् । सडक र सदनमा राजाबादीको आवाज सुनेर पूर्वराजा ज्ञानेन्द्र शाहको सक्रियता समेत ह्वातै बढेको छ । पूर्वराजा शाहले पछिल्लो दुईहप्तामा देशका विभिन्न ठाउँ पुगेर नागरिक अभिनन्दनमा सहभागी भइसकेका छन् । शाहले नेपालगञ्ज, धनगढी र सुर्खेत पुगेर नागरिकको वीचमा बर्तमान राजनीति र नेताप्रति लक्षित टिप्पणी समेत गरेका छन् ।

पूर्वराजा शाहको सक्रियता देखेर राजाबादीहरु समेत सलबलाउन थालेका छन् । बुधबार पूर्वप्रधानमन्त्री तथा नेकपा एकिकृत समाजवादीका सम्मानीत नेता झलनाथ खनाल माथि राजाबादीहरुले हमलाको प्रयास गरे । राजधानीमा भएको कार्यक्रममा राजाबादीहरुले राजा विरुद्ध बोलेको भन्दै खनाल विरुद्ध नाराबाजी गरेका हुन् ।

पूर्वराजा ज्ञानेन्द्र शाहको सक्रियता बारे नेताहरुले विभिन्न टिकाटिप्पणी गरिरहेका छन् । गणतन्त्रबादी नेताहरुको टिप्पणीपछि राजावादीहरुले मुलकमा गणतन्त्र ल्याउन महत्वपूर्ण भुमिका खेलेका शिर्षस्त नेताहरुमाथि नै भौतिक रुपमा आत्र्रmमणको प्रयास गरिरहेका छन् । राजाबादी समर्थकले गणतन्त्रबादी नेताहरुमाथि सार्वजनिक कार्यक्रममै अपमान गरेपछि पुनः एकपटक राजतन्त्र बारे बहस शुरु भएको छ ।

यता बुधबार राजाबादीहरुले गरेको अपमानबारे पूर्वप्रधानन्त्री झलनाथ खनालले विहिबार पत्रकार सम्मेलन गरेर निन्दा गरेका छन् । पत्रकार सम्मेलनमा बोल्दै नेता खनालले पूर्वराजा ज्ञानेन्द्र शाहको नेपालभित्रै भ्रमण अन्त्य गरिदिने चेतावनी दिएका छन् । पूर्वराजा ज्ञानेन्द्रको सक्रियता संगै राजाबादीहरु राजतन्त्र फर्किनेमा विश्वस्त हुन थालेको देखिएको छ । तर गणतन्त्रबादी नेताहरु भने पश्चगमनमा फर्किने कुरा कल्पना गर्न नसकिने बताउदै आएका छन् ।

यसअघि प्रधानमन्त्री पुष्पकमल दाहाल (प्रचण्ड)लाई काठमाडाँैमा, एमाले अध्यक्ष तथा पूर्वप्रधानमन्त्री केपी शर्मा ओलीलाई झापामा नागरिकहरुले अपमान गरेका थिए । लामो समय देश र जनताको सेवा गर्ने अवसर पाएर पनि जनताका लागि केहि गर्न नसकेको भन्दै दलका नेताहरुप्रतिको असन्तुष्टि समेत देखिइरहेको छ । दशकौँ सत्ताको बागडोर सम्हाल्दा समेत जनताले राज्य र सरकारको अनुभव गर्न नपाएको जनगुनासोलाई पूर्वराजा ज्ञानेन्द्रले क्यास गर्न खोजिरहेका बेला राजबादीहरु समेत त्यसै फाइदा लिने दाउमा देखिएका छन् ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने