उड्न लागेको बुद्ध एयरको विमानमा मुसा भेटिएपछि….

खोज पत्रिका शनिबार, २०८० जेष्ठ ६, १५ :१७ बजे

काठमाडौं । जनकपुरधाम विमानस्थलबाट काठमाडौं उड्न लागेको बुद्ध एयरको विमानमा मुसा भेटिएपछि उडान स्थगित गरिएको छ ।

शनिबार ४९ यात्रु बोकेर बुद्ध एयरको विमान काठमाडौं उड्न लागेकै बेला मुसा भेटिएको थियो । विमानमा यात्रुले मुसा देखेपछि विमान होल्ड गरिएको थियो । प्राविधिक जाँचका लागि केही बेर विमान होल्ड गरिएको हो ।

अब उडान परीक्षणपछि मात्र हुनेछ । विमान होल्डपछि यात्रुहरु अलपत्र परेका छन् । जहाज आजै बिहान साढे ८ बजे जनकपुर पुगेको थियो ।