लामो दुरीको सवारीको भाडा घट्यो, कुन ठाउँको कति पुग्यो ?

खोज पत्रिका बिहिबार, २०८० जेष्ठ ४, ०२ :१४ बजे

काठमाडौं । सरकारले लामो दुरीमा चल्ने सवारी साधनको भाडादर घटाएको छ । नेपाल आयल निगमले मंगलबार राति १२ बजेबाट लागू हुनेगरी डिजेलको मूल्य घटाएपछि लामो दुरीका सवारी साधनको भाडादर पनि घटेको हो । यातायात व्यवस्था विभागले यात्रुवाहक र मालवाहक सवारी साधनको नयाँ भाडादर समेत सार्वजनिक गरेको छ ।

सरकारले लामो दुरीमा चल्ने सवारी साधनको भाडादर घटाएको छ । नेपाल आयल निगमले मंगलबार राति बाट लागु हुने गरी डिजेल र मट्टितेलको मुुल्य घटाएसंगै लामो दुरीका सवारी साधनको भाडादरको नयाँ मुल्य सुचि सार्वजनिक गरेको हो । डिजेलको मूल्य घटेसँगै यात्रुवाहक सवारीमा ३ दशमलव २० प्रतिशतले मुल्य घटेको छ ।

त्यस्तै पहाडी बाटोमा सञ्चालन हुने मालवाहक सवारीको ४ दशमलव १९ प्रतिशतले भाडा घटेको छ । भने तराईको बाटोमा सञ्चालन हुने मालवाहक सवारीको भने ४ दशमलव ६५ प्रतिशतले भाडा घटेको छ । ईन्धनको मुल्य बढ्दा भाडादर बढ्ने र मुल्य घट्दा भाडादर पनि घट्ने गर्दछ ।

सवारी साधनको भाडादरमा मुल्य समायोजन हुँदा सम्बन्धित यातायात व्यवसायीले समायोजन भएको मुल्य विपरित भाडा असुलेमा कारबाहि हुने यातायात व्यवस्था विभागको भनाई छ । विभागले इन्धनको मूल्य ५ प्रतिशत बढेमा वा घटेमा भाडा समायोजन गर्दै आएको छ । यातायात व्यवस्था विभागले लामो दुरीमा चल्ने सवारी साधनको भाडामा समायोजन भएको भाडादर बुधबारदेखि नै लागू भएको जनाएको छ ।