के गर्ला रास्वपा : सरकारलाई दिएको समर्थन कायम वा फिर्ता ?

खोज पत्रिका शुक्रबार, २०८० बैशाख २२, १३ :२५ बजे

काठमाडौं । सरकारलाई दिएको समर्थन कायम राख्ने कि नराख्ने भन्ने विषयमा राष्ट्रिय स्वतन्त्र पार्टीले आज निर्णय गर्ने जनाएको छ । सरकारबारे निर्णय गर्न रास्वपाले आज केन्द्रीय समिति र संसदीय दलको संयुक्त बैठक बोलाइएको छ ।

संयुक्त बैठक साँझ ५ बजे बैठक बोलाइएको छ । नागरिकता विवादमा पार्टी सभापति रवि लामिछानेको सांसद पद गुमेपछि रास्वपाका मन्त्रीहरु सरकारबाट बाहिरिएका थिए । तर, उसले सरकारको समर्थन भने कायमै राखेको छ ।

वैशाख १० को उपनिर्वाचन जितेर लामिछाने पुनः सांसद बनेपछि रास्वपालाई सरकारमा ल्याउन सत्ता गठबन्धनले प्रयास जारी राखेको छ । उपनिर्वाचन जितेपछि लामिछानेले यथास्थितिमा सरकारको समर्थन कायम राखीराख्ने पक्षमा नरहेको प्रतिक्रिया दिएका थिए ।