वैवाहिक बलात्कार आरोपमा न्यायाधिश भुवन गिरी पक्राउ

खोज पत्रिका मङ्लबार, २०७९ चैत्र २८, १६ :१४ बजे

काठमाडौं । न्यायाधीश भुवन गिरी पक्राउ परेका छन् । उनलाई मंगलबार प्रहरीले सामाखुसीबाट पक्राउ गरेको हो । गिरीविरुद्ध उनकी पत्नी आरती गिरीले वैवाहिक बलात्कार आरोपमा जाहेरी दिएकी थिइन् ।

कपिलवस्तु जिल्ला अदालतले गिरीलाई पक्राउ गर्न गत साता प्रहरीलाई अनुमति दिएको थियो । गिरी एक महिना अगाडि मात्रै न्यायपरिषदमा सरुवा भएर आएका थिए । उनले हिजो श्रीमती पार्वतीलाई बोलाएर भेटेका थिए । राति पनि पार्वतीकै कोठामा बसेका थिए ।

आफ्नो मोबाइल खोसेर रातभर बन्धक बनाएको भन्दै पार्वतीले बिहान एक साथीलाई गुहारेकी थिइन् । ती साथीले पार्वतीलाई उद्दार गरेकी छन् । पार्वतीकै कोठाबाट गिरीलाइ प्रहरीले पक्राउ गरेको हो । गिरीलाई अनुसन्धान र कारवाहीका लागी कपिलवस्तुमा पठाइने बताइएको छ ।

क्याटेगोरी : देश/दुनियाँ, प्रमुख समाचार, राजनीति, विचार/लेख, समाचार
ट्याग : #न्यायाधीश भुवन गिरी पक्राउ