नेकपा एसबाट बेदुराम भुसाल र प्रकाश ज्वाला मन्त्री बन्ने

खोज पत्रिका बुधबार, २०७९ चैत्र १५, १७ :५८ बजे

काठमाडौं । नेकपा एकीकृत समाजवादीले सरकारमा पठाउने मन्त्रीको नाम टुंगो लगाएको छ । तीन मन्त्रालय दाबी गरिरहेको नेकपा एसले पहिलो चरणमा उपाध्यक्ष बेदुराम भुसाल र उपमहासचिव प्रकाश ज्वालालाई मन्त्री बनाउने निर्णय गरेको हो ।

बुधबार बसेको सचिवालय बैठकले दुई मन्त्रीको नाम टुंग्याएको नेताहरुले बताएका छन् । प्रधानमन्त्री पुष्पकमल दाहाल प्रचण्डले भने दुई मन्त्रालय लिएर सरकारमा आउन प्रस्ताव गरिरहेका छन् ।

समाजवादीबाट पहिलो चरणमा भुसाल मन्त्री बन्नेछन् । उनले शिक्षा, कृषि वा श्रम मन्त्रालयमध्ये एक पाउने बताइएको छ । ज्वालालाई भने भौतिक पूर्वाधार तथा यातायातमन्त्री बनाउने एकीकृत समाजवादीले तयारी गरेको छ ।