कसले गर्यो रवि लामिछानेको टोलीमाथि आक्रमण, कुटपिट र गाडी तोडफोड

खोज पत्रिका आइतवार, २०७९ कार्तिक २७, १७ :५८ बजे

काठमाडौं । राष्ट्रिय स्वतन्त्र पार्टीका अध्यक्ष रवि लामिछानेसहितको चुनावी टोलीमाथि चितवनको कुरिटनारमा आक्रमण भएको छ । लामिछानेको नेतृत्वमा कुरिनटारबाट नारायणगढतर्फ अघि बढेको टोलीमाथि फिस्लिङतर्फ गइरहेको सत्ता गठबन्धनको चुनावी र्‍यालीबाट आक्रमण भएको आरोप लगाइएको छ ।

रवि लामिछानेको पछाडि रहेको अर्को गाडीमा ढुंगामुढा प्रहार गर्दा गाडी क्षतिग्रस्त भएको र एक जना कार्यकर्ता घाइते भएको जनाइएको छ । लामिछानेले आक्रमणकारी गठबन्धनका कार्यकर्तालाई प्रहरीले सुरक्षा दिएर लगेको र त्यसपछि पनि ती व्यत्ति चुनावी र्‍यालीमा रहेको आरोप लगाएका छन् । उनले यो आक्रमणलाई आफूमाथिको आक्रमणका रूपमा लिएको भन्दै सत्ताको आडमा अपराध भएको जिकिर गरेका छन् ।

उनले कुटपिट र तोडफोडको घटनामा संलग्न व्यक्तिहरूमाथि कारबाहीको माग गरेका छन् । लामिछाने चितवन २ बाट उम्मेदवार छन् भने सो क्षेत्रमा गठबन्धनबाट विना विभागीय मन्त्री उमेश श्रेष्ठ प्रतिस्पर्धामा छन् भने एमालेबाट कृष्णभक्त पोखरेल छन् ।