मंसिर ४ गते मतदानका दिन क–कसले पाउँछन् निर्वाध सवारी चलाउन ?

खोज पत्रिका शनिबार, २०७९ कार्तिक २६, २१ :३५ बजे

काठमाडौं । मंसिर ४ गते अत्यावश्यकीय सेवाका सवारी साधन सञ्चालन गर्न दिइने भएको छ ।

निर्वाचन आयोगले बिरामी बोकेको एम्बुलेन्स, शववाहन, दमकल, खानेपानीको ट्यांकर, फोहोरमैला ओसारपसार गर्ने सवारी साधन, दूध बोक्ने सवारी साधन सञ्चालन गर्न दिइने भएको हो ।

सञ्चारकर्मीहरुलाई सूचना विभाग वा सञ्चारगृहबाट जारी परिचय पत्रका आधारमा सवारी साधन चलाउन दिने आयोगले जनाएको छ ।

अस्पतालमा कार्यरत परिचयपत्र प्राप्त चिकित्सक, स्वास्थ्यकर्मी तथा कर्मचारीको सवारी साधनलाई पनि नरोकिने निर्वाचन आयोगले जनाएको छ । तर, यस्ता सवारीमा मतदाता ओसार–पसार गर्न भने पाइनेछैन ।

क्याटेगोरी : प्रमुख समाचार, राजनीति, समाचार
ट्याग : #निर्वाचन आयोग, #सवारी साधन