रुकुमपश्चिमको मुसिकोटमा सौर्य बत्ती जडान गरिने,बन्ला त झिलीमिली ?

खोज पत्रिका शनिबार, २०७९ अशोज २९, २० :१२ बजे

रुकुमपश्चिम । जिल्लाको मुसिकोट नगरपालिकाले सार्वजनिक क्षेत्रमा सौर्य बत्ती जडान गर्ने भएको छ । बजारको सुरक्षाका लागि नगरपालिकाले खंलगा वजार आसपासका क्षेत्रमा ४० वटा सौर्य बत्ती जडान गर्न लागेको हो ।

नगरपालिकाले सौर्य बत्ती जडानको लागि ठेकेदारलाई जिम्मा दिइसकेको छ । पहिलो चरणमा खंलगा बजारको पुष्पलालचोकदेखि जिल्ला प्रहरी कार्यालयसम्म, माथिल्लो बजार, ब्राहटाकुरा, झुलुङ्गे पुल, बागबजार देखि पातुखोलासम्म सडक बत्ती जडान गरिन लागेको नगर प्रमुख महेन्द्र केसीले जानकारी दिए ।

यस्तै दोस्रो चरणमा सेरीगाउँ, सल्ले, सितलपोखरी लगायतका ठाउँमा सौर्य बत्ती जडान गरिने नगर प्रमुख केसीले जानकारी दिए । रातीमा आँफै बल्ने र दिनमा निभ्ने बत्ती जडान हुन लागेको हो । यसअघि खलंगा बजारको शहिदगेटदेखि पुष्पलाल चोकसम्म सौर्य बत्ती जडान गरिसकिएको छ ।