चोलेन्द्रलाई महाअभियोग लगाउन प्रमाण नपुग्ने एमालेको अडान

काठमाडौं । प्रतिनिधिसभाको महाअभियोग सिफारिस समितिको बैठकमा नेकपा एमालेका सांसदले प्रधानन्यायाधीश चोलेन्द्रशमशेर जबरामाथि महाअभियोग लगाउन प्रमाण नपुगेको जिकिर गरेका छन ।

शनिबार दिउँसो बसेको बैठकमा एमाले सांसद कृष्णभक्त पोखरेलले अहिलेसम्म समितिलाई प्राप्त प्रमाण हेर्दा जबरा दोषी हुन् भन्ने प्रमाणित नहुने बताएका हुन । उनले अहिलेसम्म समितिले पाएको प्रमाणमा जबराको सम्पत्ति विवरण मात्र भएको भन्दै त्यसबाट मात्र उनलाई महाअभियोग लगाउन नसकिने बताए ।

समितिले मगाएका कतिपय प्रमाण आउन बाँकी रहेको भन्दै सांसद पोखरेलले संकलित प्रमाण प्रतिनिधिसभामा पेश गर्न सकिने तर दोषी हुन् वा होइनन् भन्ने निश्कर्षमा पुग्न नसकिने दाबी गरे ।

महाअभियोग सिफारिस समितिले जबराले गरेका केही विवादास्पद फैसलाको विवरण, सर्वोच्च अदालतको भवन निर्माणको निर्णय गर्दाका कागजात र कतिपय व्यापारिक सम्बन्धका कागजात मागेको थियो । एमाले सांसद लालबाबु पण्डितले आदेश र फैसलाकै आधारमा जबरालाई महाअभियोग लगाउन नसकिने बताएका थिए ।

थप समाचार

रवीन्द्र मिश्र तीन लाख धरौटीमा रिहा

धरानका मेयर–उपमेयरबीच चर्कियो विवाद, उपमहानगरभित्रै कुटाकुट

दिलभूषण पाठकका नाममा उपस्थित हुन साइबर ब्यूरोले जारी गर्‍यो सूचना

जिल्ला अदालत काठमाडौंमा हाजिर भए रवीन्द्र मिश्र

इजरायल–इरान तनावले जी–सेभेन बैठक प्रभावित

काठमाडौं महानगरभित्र भदौ मसान्तसम्म सडक र फुटपाथ खन्न लगाइयो रोक