मेयर हर्क साम्पाङले ल्याए धरानमा पानी,खुसी हुँदै नुहाए (भिडियो सहित)

खोज पत्रिका मङ्लबार, २०७९ भदौ २८, ०७ :५० बजे

काठमाडौं । सुनसरीको धरान बजारमा पानी ल्याउन धरान उपमहानगरपालिकाका मेयर हर्क साम्पाङ सफल भएका छन् । उनले स्थानीय तह निर्वाचनको बेला धरानमा पानीको समस्या समाधान गर्ने बाचा गरेका थिए ।

मेयर निर्वाचित भएलगत्तै उक्त बाचा पूरा गर्न कस्सिएका साम्पाङले अन्ततः खर्दु र निशाने खोलाको पानी ल्याउन सफल भएका हुन। साम्पाङले धरान ल्याइएको पानीको फोहोराको भिडियो सामाजिक सन्जालमा पोष्ट गर्दै खुसी साटेका छन् ।

उनले भने ‘खर्दु र निशानेलाई मात्रै जोडेका छौं, सर्दु जोड्न बाँकी छ,’ उक्त भिडियोसँगै लेखेका छन्, सर्दुसँग त झन् ठूलो आउने छ फोहोरा ।’ उक्त भिडियोमा मेयर साम्पाङसहित धरानवासी पानीको फोहोरामा भिज्दै गरेको देखिन्छ ।

भिडियोमा उनीले खुसी हुँदै नुहाएका छन । उनले पोष्ट गरेको भिडियोमा धेरैले बधाई दिंदै कमेन्टको लामै लागेको छ ।