प्रधानन्यायाधीश जवरालाई महाभियोग सिफारिस समितिले भदौ १५ मा सोधपुछ गर्ने

खोज पत्रिका बुधबार, २०७९ भदौ ८, २२ :०० बजे

काठमाडौं । प्रतिनिधिसभाको महाअभियोग सिफारिस समितिले प्रधानन्यायाधीश चोलेन्द्रशमशेर जबरालाई भदौ १५ गते सोधपुछ गर्ने भएको छ ।

बुधबार बसेको समितिको बैठकले जबरामाथि लागेको आरोपमाथि सोधपुछ गर्न भदौ १५ मा बोलाउने निर्णय गरेको समितिका ज्येष्ठ सदस्य रामबहादुर विष्टले जानकारी दिएका छन ।

महाअभियोग सिफारिस समितिले बुधबार पारित गरेको कार्यतालिकामा भदौ १५ गतेको विहान ११ बजे जबरालाई सोधपुछका लागि बोलाउने उल्लेख छ ।

त्यसअघि ९ देखि १२ भदौसम्म जबराविरुद्धको प्रमाण संकलन गर्ने र त्यसमाथि अध्ययन गर्ने आन्तरिक कार्यविधिमा उल्लेख छ । समितिले अध्ययन सकेर १८ वा १९ भदौमा प्रतिनिधिसभालाई प्रतिवेदन बुझाउने कार्यतालिका पारित गरिएको छ ।

क्याटेगोरी : प्रमुख समाचार, राजनीति, समाचार
ट्याग : #प्रतिनिधिसभा, #प्रधानन्यायाधीश चोलेन्द्र, #भदौ १५ मा बोलाउने निर्णय