आफूलाई किनेको गाडी बेच्ने तयारीमा हर्क साम्पाङ,खाल्डा टाल्न रोलर मेसिन किन्ने

खोज पत्रिका शुक्रबार, २०७९ असार २४, १३ :५२ बजे

काठमाडौं । धरान उपमहानगरपालिकाका मेयर हर्क साम्पाङले आफ्नो लागि किनिएको गाडी बेच्ने तयारी गरेका छन् । मेयर साम्पाङले सामाजिक सञ्जाल फेसबुकमा लेख्दै मेयरलाई चढ्न भनि किनिएको स्कर्पियो गाडी बेच्न लागेको उल्लेख गरेका छन्।

आफ्नो यो प्रस्तावलाई बिहीबार बसेको कार्यपालिका बैठकले ताली बजाएर अनुमोदन गरेको पनि साम्पाङ सामाजिक सञ्जालमा लेखेका छन्। ‘मेयरलाई भनेर किनिएको स्कर्पियो गाडी बेचेर धरानको बाटोभरिका खाल्डा टाल्न यो रोलर मेसिन किन्ने विचार छ मेरो’, रोलरको तस्वीरसहित राखेर मेयर साम्पाङले लेखका छन्, ।

बिहिबार कार्यपालिकाले ताली बजार अनुमोदनसमेत गरिदिएको छ, जय धरान।’ स्वतन्त्र रुपमा मेयरमा निर्वाचित साम्पाङले नगपालिकाको गाडी प्रयोग गरेका छैनन्। अहिले उनी आफ्नै मोटरसाइकल चढिरहेका छन्।