पल शाहका म्यानेजर कृष्णप्रसाद जोशी पक्राउ

खोज पत्रिका शुक्रबार, २०७८ फाल्गुन २७, २३ :३८ बजे

काठमाडौं । नायक पल शाहका म्यानेजर कृष्णप्रसाद जोशीलाई प्रहरीले पक्राउ गरेको छ । नाबालिग बलात्कार घटनाको अनुसन्धानका लागी जोशीलाई शुक्रबार दमौलीबाट नियन्त्रणमा लिएको हो । जिल्ला अदालतले जोशीमाथी पनि अनुसन्धनका प्रक्रिया अगाडि बढाउन प्रहरीलाई निर्देशन दिएको थियो ।

नबालिगलाई जबरजस्ती करणी गरेको अरोपमा शाह गत फागुन १५ गतेदेखि प्रहरी हिरासतमा छन् । अनुसन्धान नसकिएको भन्दै गत फागुन २२ गते उनीविरुद्ध अदालतबाट १२ दिनको म्याद थप भएको छ ।

पल प्रहरीको हिरासतमा रहुन्जेल जोशीलाई पनि हिरासतमा लिई अनुसन्धन गरिने प्रहरीले बताएको छ । पल शाहलाई प्रहरीले नियन्त्रणमा लिएपछि उनको केही दोष नभएको यो सबै षडयन्त्र आफूहरुले गरिरहेको भन्दै जोशीले मिडियाबाजी गरिरहेका थिए ।

क्याटेगोरी : जीवनशैली, प्रमुख समाचार, राजनीति, समाचार
ट्याग : #कृष्णप्रसाद जोशी, #नायक पल शाह