मन्त्री बन्दै सुजाता कोइराला,महाधिबेशनमा गरेको बाचा पूरा गर्दै प्रधानमन्त्री देउवा

खोज पत्रिका बिहिबार, २०७८ माघ २०, २० :२२ बजे

काठमाडौं । नेपाली काँग्रेसकी नेतृ सुजाता कोइराला मन्त्री बन्ने करिब पक्का भएको छ । प्रधानमन्त्री शेरबहादुर देउवाले कोइरालालाई महाधिबेशनमा दिएको आश्वासन अनुसार मन्त्री बनाउन लागेका हुन् । प्रधानमन्त्री देउवाले रिक्त रहेका उद्योग, वाणिज्य तथा आपूर्ति र रक्षा मन्त्रालयमा मन्त्री ल्याउन लागेका हुन् ।

कोइरालालाई रक्षा मन्त्रालय दिने सम्भावना बढी छ । अर्को मन्त्री कसलाई बनाउने भन्ने देउवाले परामर्श गरिरहेका छन । निर्वाचनको मिति तोकिसकेपछि मन्त्रिपरिषद् विस्तार गर्न नपाउने भएकाले प्रधानमन्त्री देउवा मन्त्री बनाउने प्राथमिकता दिएको बताइएको छ ।

दुई मन्त्री नियुक्त गर्न देउवाले बिहीबारको नियमित मन्त्रिपरिषद् बैठक नराखेको बताइएको छ । अब बस्ने मन्त्रिपरिषद् बैठकबाट निर्वाचनको मिति तोक्ने प्रधानमन्त्री देउवाको तयारी छ ।

क्याटेगोरी : प्रमुख समाचार, राजनीति, समाचार
ट्याग : #प्रधानमन्त्री शेरबहादुर देउवा, #सुजाता कोइराला