तम्घासको एक होटलबाट पाँच लाख नगद सहित सात जुवाडे र होटल सञ्चालक पक्राउ

खोज पत्रिका मङ्लबार, २०७८ पुस २७, २० :३९ बजे

गुल्मी । जिल्लाको सदरमुकाम तम्घासको एक होटल बाट सात जुवाडे सहित होटल सञ्चालक पक्राउ परेका छन् । सोमबार रेसुङा नगरपालिका १ भिमचोक स्थित भेटघाट होटल बाट पाँच लाख पाँच हजार ६ सय ५५ नगद सहित सात जना जुवाडे र होटल सञ्चालकलाई पक्राउ गरिएको जिल्ला प्रहरी कार्यालय गुल्मीले जनाएको छ ।

होटलमा जुवा तास खेली खेलाईरहेको भन्ने गोप्य सुचनाका आधारमा प्रहरीले छापा मारेको थियो । पक्राउ पर्नेहरुमा प्रकाश थापा, यम बहादुर कुवर, विष्णु कुवर ,महेश जि सि, कैलास वन्जरा र लक्ष्मण बजाण्डे रहेका छन ।

त्यस्तै होटल सञ्चालीका इस्मा गाउँपालिका एक की आशा खत्री रहेको बताइएको छ । खत्री इस्मा गाउँपालिका एकका वडा अध्यक्ष चुरा बहादुर खत्रीकी श्रीमती हुन् । उनीहरुको नाम ठेगाना खुलाउन गुल्मी प्रहरीले आनकानी गरेपनि नाम सार्वजनिक भएको छ ।

क्याटेगोरी : प्रमुख समाचार, राजनीति, समाचार