एकाएक किन गर्यो माओवादी केन्द्रले महाधिबेशनको घोषणा, अन्य दललाई निमन्त्रणा दिइने

खोज पत्रिका शनिबार, २०७८ पुस १०, २१ :११ बजे

काठमाडौं । नेकपा माओवादी केन्द्रले आइतबारबाट काठमाडौँमा गर्ने भनेको राष्ट्रिय सम्मेलनलाई महाधिवेशनमा परिणत गर्ने भएको छ । शनिबार बेलुका बसेको सो पार्टीको स्थायी कमिटी बैठकले राष्ट्रिय सम्मेलनलाई महाधिवेशनमा परिणत गर्ने निर्णय गरेको हो ।

यद्यपि उक्त निर्णय आइतबार बिहान बस्ने केन्द्रीय कमिटी बैठकले अनुमोदन गरेपछि मात्रै स्थायी कमिटीको निर्णयले वैधानिकता पाउने नेताहरुले बताएका छन् । स्थायी कमिटी बैठकपछि प्रवक्ता कृष्णबहादुर पनि महराले राष्ट्रिय सम्मेलनप्रति आकर्षण बढेकाले यसलाई सोझै महाधिवेशनमा लैजाने बताएका थिए ।

माओवादी केन्द्रको महाधिवेशन आइतबारदेखि काठमाडौंमा सुरु हुँदैछ । महाधिबेशन गर्ने भएपछि सबै दललाई आमन्त्रण गरिने पनि माओवादी केन्द्रले जनाएको छ ।

क्याटेगोरी : प्रमुख समाचार, राजनीति, समाचार