होला त स्वास्थ्य सामग्रीमा भएको अनियमितताबारे छानविन

खोज पत्रिका बुधबार, २०७६ चैत्र २६, ११ :४३ बजे

काठमाडौं २६ चैत । प्रधानमन्त्री केपी शर्मा ओलीले राष्ट्रका नाममा सम्बोधन गर्दे सरकारको आलोचना नगर्न चेतावनी दिएपनि सचिवालय बैठककै नेताहरुले स्वाथ्य सामग्री खरिदमा भएको अनियमितताबारे छानविन गर्न माग गरेका छन् । मंगलबार बिहान ११ बजे प्रधानमन्त्री ओलीले सम्बोधन गरेका थिए भने साँझ ४ बजे सचिवालय बैठक बसेको थियो ।

सचिवालय बैठकमा नेताहरूले चीनबाट सामान खरिद गर्दा भ्रष्टाचार भएको भन्ने विषयमा छानबिन हुनुपर्ने माग गरे । कोरोनाभाइरस सङ्क्रमणको सम्भावित महामारी रोकथाम र नियन्त्रणका निम्ति चीनबाट ल्याइएका स्वास्थ्य सामग्रीबारे नेताहरुले प्रश्न उठाएका थिए । ओम्नी समूहसंग सम्झौता भएको र पछि ठेक्क रद्द भएको विषय समेत आफूलाई थाहा नभएको कुरो बैठकमा प्रधानमन्त्री ओलीले जवाफ दिएको बताइएको छ । यो प्रकरणमा भ्रष्टाचार भएको र त्यसमा राजनीतिक संरक्षण रहेको खबरहरू प्रकाशित भएपछि त्यो विषयले बैठकमा प्रवेश पाएको थियो । प्रधानमन्त्री ओली र कोरोना रोकथाम उच्चस्तरीय समितिका संयोजक ईश्वर पोखरेलले सरकारले गरिरहेको काम र अबको रणनीतिबारे जानकारी समेत गराएका थिए ।

क्याटेगोरी : प्रमुख समाचार, राजनीति, समाचार