योगेश भट्टराईले दिए नेतृत्वलाई पाँच सुझाब

खोज पत्रिका बुधबार, २०७६ साउन ८, ११ :४३ बजे

काठमाडौं ८ साउन । नेकपाका स्थायी समिति सदस्य योगेश भट्टराईले पार्टीमा देखिएको अन्तर बिरोधलाई समाधानका लागि पाँच सुझाव दिएका छन् । उनले सामाजिक सञ्जाल मार्फत कार्यविभाजन र जिम्मेवारी बाँडफाडमा ध्यान दिन नेतृत्वलाई पाँच सुझाव दिएका हुन् । उनले सामाजिक सञ्जालमा लेखेका छन् । नेकपामा कार्यबिभाजन र जिम्मेवारी बाँडफाडका बारेमा बहस भइरहेको सन्दर्भमा निम्न बिषयमा नेतृत्वको ध्यानाकर्षण गर्दछु ।
१. कुनै पनि ब्यक्तिलाई उसको योग्यता, क्षमता र रुचीका आधारमा जिम्मेवारी दिऊ ।
२. कुनै पनि ब्यक्तिलाई स्थायी रुपमा कुनै जिम्मेवरी नदिऊ । हरेक एक बर्षमा सबैको जिम्मेवारी हेरफेर गरौ ।
३. पार्टीमा भूगोल, बिभाग र फांट गरी कामका तीन क्षेत्र छन । रोटेसनका आधारमा एउटा ब्यक्तिलाई तीन वटै क्षेत्रमा काम गर्ने अबसर दिऊ ।
४. प्रत्येक ब्यक्तिको कार्य मुल्याङ्कनलाई बैज्ञानीक प्रणालीका आधारमा पारदर्शी बनाऊ । हरेक बर्ष ब्यक्तिको मुल्याङ्कन प्रतिबेदन सार्वजनिक गरौ । त्यसका आधारमा पुरस्कृत र दन्डित गर्ने पारीपाटी बसालौ ।
५. कुनै पनि ब्यक्तिलाई तोकिएको जिम्मेवारी उसलाई बिर्ताका रुपमा दिएको होईन भन्ने कुरा बुझौ र बुझाऔ ।