संसद् सचिवालयमा प्रचण्डको पत्र : ओली संसदीय दलको नेता नभएको जानकारी

काठमाडौं । नेकपाको प्रचण्ड–नेपाल पक्षका अध्यक्ष पुष्पकमल दाहाल प्रचण्डले प्रधानमन्त्री एवं अर्को पक्षको नेकपाका अध्यक्ष केपी शर्मा ओलीले गरेका कामकारवाही र सिफारिशलाई मान्यता नदिन आग्रहसहित संसद् सचिवालयलाई पत्र लेखेका छन् । प्रचण्ड–नेपाल पक्षका सांसद देव गुरुङसहित केही सांसद पत्र बोकेर संसद् सचिवालय पुगेका थिए ।

पत्रमा पार्टीले प्रधानमन्त्रीसमेत रहेका केपी शर्मा ओलीलाई दलको नेताबाट र केन्द्रीय कमिटीबाट कारवाही गरेर हटाएकाले उनले दलको नेताको हैसियतमा गरेका कुनै पनि कामकारवाही मान्य नभएको उल्लेख गरिएको छ । ओली पार्टी सदस्य नै नरहेको अवस्थामा संसदीय दलको नेताको रूपमा रहन नसक्ने कुरातर्फ संसदीय दल र सम्बन्धित सबैमा ध्यान आकर्षित गराउन चाहन्छु प्रचण्डले लेखेको पत्रमा उल्लेख छ ।

प्रचण्डको पत्रमा संसद् सचिवालयका महासचिवलाई सम्बोधन गरिएको छ । प्रतिनिधि सभा विघटन भएपछि बहुमत केन्द्रीय कमिटीको बैठकले ओलीलाई कारवाही गरेर पार्टीबाट निष्काशन गरेको थियो । केही दिनअघि ओलीले संसदीय दलको प्रमुख सचेतकबाट देव गुरुङलाई हटाएर विशाल भट्टराईलाई नियुक्त गरेका थिए । पत्रमा ओलीले संसदीय दलको नेताको हैसियतमा गरेका काम कारवाहीलाई मान्यता नदिन समेत आग्रह गरिएको छ ।

थप समाचार

चुनौतिपूर्ण राष्ट्रिय राजनीतिको सामना गर्न एकतावद्ध भएर अगाडि बढ्नुपर्ने आवश्यकताका…

दलहरूसँग संवादका लागि सरकारले बनायो समिति, अनिल सिन्हा संयोजक

एमालेलक्षित गृहमन्त्रीको टिप्पणीः निर्वाचन हुँदैन भनेर भ्रम फैल्याउने काम नगरियोस्

एमाले अध्यक्षमा ओलीले गराए उम्मेदवारी दर्ता (तस्बिरहरु)

एमालेको निर्वाचन तालिका संशोधन, साढे ६ बजे उम्मेदवारको अन्तिम नामावली…

१ हजार ८ सय ५९ रोपनी जग्गा अतिक्रमणमुक्त गराउने लक्ष्य…