घटेकै हो त कोरोना संक्रमण,पछिल्लो २४ घण्टामा ५३४ जना संक्रमित भेटिए

काठमाडौं । पछिल्लो २४ घण्टामा थप ५ सय ३४ जनामा कोरोना भाइरस संक्रमण देखिएको छ। १ सय ९६ महिला र ३ सय ३८ पुरुष संक्रमित भएको स्वास्थ्य तथा जनसंख्या मन्त्रालयले जनाएको छ। यो सहित कोरोना संक्रमितको संख्या २ लाख ६० हजार ५ सय ९४ पुगेको छ। यस्तै बिहीबार थप ४ सय ४७ जना डिस्चार्ज भएका छन्।
योसहित हालसम्म कोरोना जित्नेको संख्या २ लाख ५२ हजार ३ सय ५९ पुगेको स्वास्थ्य मन्त्रालयले जनाएको छ। मन्त्रालयका अनुसार निको हुनेको दर ९६.८ प्रतिशत हो। देशभर सक्रिय संक्रमितको संख्या भने ६ हजार ३ सय ७८ रहेको छ।
बिहीबार कोरोनाबाट थप ९ जनाको मृत्यु भएको छ। बिहीबार कोरोनाबाट थप ९ जनाको मृत्यु भएसँगै अहिलेसम्म कोरोनाबाट मृत्यु हुनेको संख्या १ हजार ८ सय ५६ पुगेको मन्त्रालयले जनाएको छ। यस्तै अहिले ३६२ जना क्वारेन्टिन र ६ हजार ३७८ आइसोलेसनमा रहेको मन्त्रालयले जनाएको छ।
क्याटेगोरी : देश/दुनियाँ, ब्रेकिंग न्युज, राजनीति, समाचार
ट्याग : #कोरोना भाइरस संक्रमण
ताजा खबर
- १पूर्वराष्ट्रपति भण्डारीलाई विमानस्थलमै ५१ किलोको माला
- २प्रधानमन्त्रीलाई बालेनको आग्रहः लिपुलेक हाम्रो हो भनेर चीनलाई सम्झाउन नबिर्सनुहोस्
- ३रोहितको उत्कृष्ट शतकमा साउथ अष्ट्रेलियामाथि नेपालको जित
- ४आन्दोलनरत उखु किसानले भदौ २५ गतेदेखि अनिश्चितकालिन राजमार्ग बन्द गर्ने
- ५सुनको मूल्यमा रेकर्ड : तोलाकै २ लाख नाघ्यो
तपाईको कमेन्ट लेख्नुहोस्