प्रदेश १ को नेकपामा भाँडभैलो,मुख्यमन्त्रीलाई अविश्वासको प्रस्ताव दर्ता गरेपछि १५ सांसद निलम्वनमा

खोज पत्रिका बिहिबार, २०७७ पुस १६, २२ :२२ बजे

काठमाडौं । प्रदेश १ को नेकपामा रडाको मच्चिएको छ । सत्तारुढ नेकपामा आएको फुटसँगै प्रदेश १ मा ओली र प्रचण्ड समूहले एकअर्कालाई कारबाही गरेको घोषणा गरिरहेका छन् । बिहीबार प्रचण्ड–माधव समूहले मुख्यमन्त्री शेरधन राईलाई संसदीय दलको नेताबाट हटाउने निर्णय गरेको छ । भीम आचार्यलाई दलको नेता चयन गरेको थियो । त्यसको प्रतिउत्तरमा ओली समूहमा रहेका मुख्यमन्त्री राईले आर्चायसहित १५ प्रदेशसभा सदस्यदलाई तीन महिनाका लागि निलम्बन गरेको घोषणा गरेका छन् ।

आचार्यसँगै ईन्द्र आङ्बो, जीवन घिमिरे, विजयकुमार विश्वास, सावित्राकुमार रेग्मी, उपेन्द्र घिमिरे, लिलावल्लभ अधिकारी, राजेन्द्रकुमार राई, यशोधा अधिकारी, लछुमन तिवारी, मोहन कुमार खड्का, कुलप्रसाद साम्बा, धिरेन्द्र शर्मा, टंक आङबुहाङ, कुसुम कुमारी श्रेष्ठलाई निलम्बन घोषणा गरिएको छ ।

यसअघि शनिबार मुख्यमन्त्री शेरधन राईले इन्द्र आङ्बोलाई मन्त्रीबाट हटाएका छन् भने आइतबार राईविरुद्ध ३७ सांसदले अविश्वासको प्रस्ताव दर्ता भएको थियो । राईले भने अविश्वासको प्रस्ताव दर्ता गरेकोमा स्पष्टीकरण सोधेका थिए ।

क्याटेगोरी : प्रमुख समाचार, ब्रेकिंग न्युज, राजनीति, समाचार
ट्याग : #प्रदेश १ को नेकपामा रडाको