नेकपाको स्थायी कमिटी बैठक फेरि स्थगित, बोलाइयो साउन ६ गते

काठमाडौं । सत्तारुढ दल नेकपाको स्थायी कमिटि बैठक फेरि स्थगित भएको छ । आइतबार ३ बजेका लागि बोलाइएको बैठक साउन ६ गतेबस्ने गरी स्थगित भएको हो । पटक–पटक स्थगित हुँदै आएको नेकपाको स्थायी कमिटी बैठक स्थगित भएको ७ औं पटक हो । प्रधानमन्त्री तथा पार्टी अध्यक्ष केपी शर्मा ओलीले दुबै पद छाड्नुपर्ने माग उठेपछि असार २० यता लगातार स्थगित हुँदै आएको बैठक आइतबार बोलाइएको थियो ।

गत असार १० गते सुरु भएको स्थायी कमिटीको बैठकमा अधिकांश सदस्यहरुले ओलीले दुवै पदबाट राजीनामा दिनुपर्ने माग राखेपछि फुटको संघारमा पुगेको नेकपाको विवाद झनै बल्झिएर बैठक नै नबस्ने अवस्थामा पुगेको छ । शनिबारको सचिवलाय बैठकमा ओलीले २०७७ चैतमा गर्ने भनिएको महाधिवेशन आगामी मंसिरमै गर्ने प्रस्ताव अघि सारेपनि सहमति हुन सकेको छैन् ।

सचिवालय बैठक लगत्तै शनिबार साँझ अध्यक्षद्वय ओली र प्रचण्डले शीतलनिवास पुगेर राष्ट्रपति विद्यादेवी भण्डारीसँग पनि परामर्श समेत गरेका थिए । नेकपाका नेताहरु पटक पटक पार्टीभित्रको विवाद लिएर राष्ट्रपतिलाई भेट्न पुगिरहेका छन् । तर, पार्टीभित्रको विवाद समाधान नभएपछि स्थायी कमिटि बैठक समेत बस्न सकेको छैन् ।

थप समाचार

रविको मुद्दा फिर्ता लिने निर्णयविरुद्धको रिटमा आज पनि सुनुवाइ हुँदै

सरकारले ४८ सालयताका सार्वजनिक पदधारी नेता र कर्मचारीको सम्पत्ति छानबिन…

ओली र लेखकलाई आज अदालतमा पेश गरिँदै

सहकारीका साना बचतकर्ताको बचत फिर्ता सय दिनभित्रै थाल्ने सरकारको घोषणा

कांग्रेस नेता एवं पूर्वमन्त्री दीपक खड्का पक्राउ

पक्राउ परेका ओली अस्पताल भर्ना, ५०१ नम्बर बेडमा राखियो