गण्डकी प्रदेशमा थप ६ जनामा कोरोना पुष्टि, प्रदेशमा संक्रमितको संख्या २०५ पुग्यो

खोज पत्रिका सोमवार, २०७७ असार १, ०७ :५६ बजे

काठमाडौं । तनहुँ जिल्लाका पाँच जना पुरुषमा कोरोना संक्रमण पुष्टि भएको छ । घिरिङ गाउँपालिकाको क्वारेन्टिमा बस्दै आएका, ४६, ४५, २७, २७ र २२ वर्षीय पुरुषमा कोरोना पुष्टि भएको हो । संक्रमितहरुलाई तनहुँकै शुक्लागण्डकी नगरपालिकाको बेलचौतारास्थित जीपी कोइराला श्वासप्रस्वास केन्द्रको आइसोलेसन कक्षमा राखिएको छ । यसअघि तनहुँका ४ जनामा कोरोना संक्रमण पुष्टि भएको थियो ।

त्यस्तै, नवलपरासी जिल्ला बर्दघाट सुस्ता पूर्व, बौदीकाली गाउँपालिका स्थायी ठेगाना भई सोहि पालिकाको क्वारेन्टाइनमा रहेका २० बर्षीय १ जना पुरुषमा कोरोना संक्रमणको पुष्टि भएको छ । उनलाई रजहर स्थित सामुदायिक प्राकृतिक चिकित्सालयको आईसोलेसन कक्षमा राखिएको छ । यससँगै गण्डकी प्रदेशमा कोरोना संक्रमण पुष्टि भएकाहरुको संख्या २ सय ५ पुगेको गण्डकी प्रदेशको कोरोना नियन्त्रण तथा रोकथाम कार्यक्रमका निर्देशक डाक्टर विनोद विन्दु शर्माले जानकारी दिए ।