किन मनाइन्छ गाइजात्रा ?

काठमाडौं ३१ साउन । श्रावण शुक्ल पूर्णिमा अर्थात् जनैपूर्णिमाको भोलिपल्ट मनाइने गाईजात्रा पर्व आजदेखि आठ दिनसम्म मनाइन्छ । यो पर्व काठमाडौं उपत्यकाको तीनवटै सहरबाहेक मुलुकका अन्य केही भागमा पनि मनाइन्छ । एक वर्षयता दिवङ्गत आफन्तको सम्झनामा पाएसम्म गाई र नपाएमा मानिसलाई गाईको रुपमा सिँगारी आआफ्नो क्षेत्र वरिपरी घुमाएर यो पर्व मनाउने गरिन्छ । धार्मिक एवं सांस्कृतिक महत्व बोकेको यो पर्वमा गाईलाई घुमाउने क्रममा श्रद्धालु भक्तजनले दूध, फलफूल, रोटी, दही चिउराका साथै अन्य परिकार पनि खुवाउछन् । गाईजात्रामा नेवार समुदायमा पितृगणको सम्झनामा गाईको रूप धारण गरी टोलटोल घुम्ने गर्दछन् । आजका दिन भजन कीर्तन पनि गरिन्छ । गाईजात्राबारे अनेकन मान्यता रहे पनि राजा प्रताप मल्लको पालामा भएको एउटा घटनालाई प्रधान मानिने गरिएको छ । राजाका छोराको अल्पायुमै निधन भएपछि रानीले धेरै बिलौना गर्न थालिन् । लामो समयसम्म शोक गरेर बसेपछि ‘यस्तो शोक तिमीलाई मात्र परेको होइन’ भन्ने देखाउन राजाले वर्ष दिनयता दिवङ्गत भएकाहरुको सम्झनामा गाईजात्रा निकाल्न अनिवार्य गरेका थिए । यो देखेपछि शोकमा डुबेकी रानी सहज अवस्थामा फर्किएको जनबिश्वास छ । गाईजात्राका अवसरमा काठमाडौं उपत्यकाको बसन्तपुर इन्द्रचोकमा पनि भीडभाड लाग्छ । त्यहाँ साना–साना बालबालिकाहरु सिगाँरिएका हुन्छन् । गाईजात्रा पर्व काठमाडाँै उपत्यकाका विभिन्न स्थानका अतिरिक्त काभेपलाञ्चोकका बनेपा, धुलिखेल र पनौती, सिन्धुपाल्चोकको बाह्रबिसे, नुवकोटको त्रिशूलीबजार, पाल्पा, दोलखा, खोटाड., रामेछाप, भोजपुरलगायत स्थानमा मनाउने गरिन्छ । गाइजात्राका दिन व्यङ्ग गर्न छुट पाउने परम्परा पनि चलिआएको छ ।

थप समाचार

चुनौतिपूर्ण राष्ट्रिय राजनीतिको सामना गर्न एकतावद्ध भएर अगाडि बढ्नुपर्ने आवश्यकताका…

दलहरूसँग संवादका लागि सरकारले बनायो समिति, अनिल सिन्हा संयोजक

एमालेलक्षित गृहमन्त्रीको टिप्पणीः निर्वाचन हुँदैन भनेर भ्रम फैल्याउने काम नगरियोस्

एमाले अध्यक्षमा ओलीले गराए उम्मेदवारी दर्ता (तस्बिरहरु)

एमालेको निर्वाचन तालिका संशोधन, साढे ६ बजे उम्मेदवारको अन्तिम नामावली…

१ हजार ८ सय ५९ रोपनी जग्गा अतिक्रमणमुक्त गराउने लक्ष्य…