घुस लिन्न भन्ने प्रेमप्रसाद सञ्जेलको यस्तो पत्र किन ?

खोज पत्रिका सोमवार, २०७६ असार २, १६ :५५ बजे

काठमाडौं २ असार । मोरङको बिराटनगर महानगरपालिकामा रहेको एक बोर्डिङ स्कुलकी शिक्षिकाले तलव र सुविधा नपाएको भन्दै बिराटनगरका बरिष्ठ श्रम अधिकृत प्रेमप्रसाद सन्जेलले एसईईको नतिजा रोक्न बिभिन्न निकायमा पत्राचार गरेका छन् । विराटनगर महानगरपालिका ८ की तुलसा पोखरेलले सुनसरी खनारस्थित सनसाइन इंग्लिस सेकेन्डरी स्कु्लबाट तलब र सुविधा नपाएको भन्दै सन्जेलले एसईईको नजिता समेत रोक्न पत्र लेखेका हुन । सो स्कुलबाट पोखरेलले एघार लाख पन्ध्र हजार आठ सय छयानब्बे रकम लिन बाँकी छ ।

जेठ ७ गते पाँच वटा निकायलाई लेखिएको पत्र प्राप्त भएको छ । एसईई नतिजा प्रकाशित हुने दिन नजिकिदै गर्दा सञ्जेलको यो पत्रले सनसाइन इंग्लिस सेकेन्डरी स्कुलका बिद्यार्थीमा चोट पु¥याएको छ । स्कुललाई कारवाही गर्ने अन्य माध्यम हुँदा हुँदै सञ्जेलले बिद्यार्थीको परीक्षाफल रोक्ने सम्मको निर्णय गरेको भन्दै आलोचना भएको छ ।

२३ वर्ष सेवा गरेकी पोखरेलको तलब सुविधाका बिषयमा बिद्यार्थीलाई किन मारमा पार्न खोजियो यो नै गम्भिर बिषय हो । हामी पोखरेलले तलव र सुविधा पाउनु हुन्न भन्ने पक्षमा हुदै होइन । आफनो पारिश्रमिक र सेवा सुविधा पाउनै पर्छ । तर, शिक्षक र स्कुलको बिबादमा बिद्यार्थीको भबिष्यमाथी कुनै पनि निकायले खेलवाड गर्न पाइदैन । नतिजा रोक्न गरिएको पत्राचार प्रधानमन्त्री तथा मन्त्रीपरिषदको कार्यालयलाई पनि बोधार्थ पठाइएको छ ।