कसले जित्ला चलचित्र कलाकार संघमा

काठमाडौं २५ जेठ । नेपाल चलचित्र कलाकार संघको चुनावमा रविन्द्र खड्का र सरिता लामिछानेबीच प्रतिष्पर्धा हुदैछ । गएको चैत २३ गते हुने भनिएको निर्वाचन स्थगित भएपछि शनिबार निर्वाचन हुन लागेको हो। उपाध्यक्ष पदका लागि मनोज केसी, सानुकुमार ताम्राकार, विनोद कुमार भट्टराई र रेजिना उप्रेती बिच प्रतिस्पर्धा हुदैछन्। महासचिव पदका लागि चेतबहादुर सिंह र संजय खतिवडाले प्रतिस्पर्धा गर्दा सचिवमा कविता गेलाल, राजकुमार शाह र पनाह अधिकारी तीन जनाको उम्मेद्वारी परेको छ । यस्तै कोषाध्यक्ष पदमा कलाकार सुनिल कटुवाल निर्विरोध चयन भएका छन् भने सह–कोषाध्यक्षका लागि अभिनेत्री पवित्रा आचार्य र डिबी बम्जन भिड्दैछन् । यसका साथै सदस्य पदका लागि १२ जना कलाकारले उम्मेदवारी दर्ता गराएका छन् । शुरुमा अध्यक्ष पदका लागि कलाकार तथा निर्देशक लय संग्रौला, कलाकार रविन्द्र खड्का, अभिनेत्री सरिता लामिछाने तथा नायक विशाल बिष्टले उम्मेदवारीमा नाम टिपाएका थिए । तर, अहिले भने संग्रौला र विष्टले आफनो उम्मेदवारी फिर्ता लिएका छन् । अव खड्का र लामिछानेको प्रतिष्पर्धा हुनेछ ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने