के होला ? रवि लामिछानेविरुद्ध निर्वाचन आयोगमा परेको उजुरी

खोज पत्रिका बुधबार, २०७९ कार्तिक ३०, ०७ :५९ बजे

काठमाडों । चितवन निर्वाचन क्षेत्र नम्बर २ का प्रतिनिधि सभा सदस्य उम्मेदवार रवि लामिछानेविरुद्ध उम्मेदवारी खारेजीको मागसहित निर्वाचन आयोगमा उजुरी परेको छ ।

राष्ट्रिय स्वतन्त्र पार्टीका सभापति समेत रहेका उम्मेदवार लामिछानेले विदेशी मुलुकको नागरिकता प्राप्त गरेपछि नेपालको नागरिकता त्याग नगरेकाले उम्मेदवारी खारेजी हुनुपर्ने दाबीसहित उजुरी परेको छ ।

उम्मेदवार लामिछानेको विरुद्धमा राजकुमार पाण्डेले उम्मेदवारी खारेज गर्न माग गर्दै निर्वाचन अधिकृतको कार्यालयमा उजुरी दर्ता गराएका थिए ।

उम्मेदवार लामिछानेविरुद्धको उजुरी प्रतिनिधि सभा सदस्य निर्वाचन क्षेत्र नम्बर २ चितवनको निर्वाचन अधिकृतको कार्यालयलाई पत्राचार गरिएको छ । अव निर्वाचन अधिकृतले सम्बन्धित व्यक्तिबाट स्पष्टीकरण प्राप्त गरेर आयोगमा पठाइसकेपछि थप प्रक्रिया अघि बढ्ने बताइएको छ ।

क्याटेगोरी : जीवनशैली, देश/दुनियाँ, प्रमुख समाचार, राजनीति, समाचार
ट्याग : #रवि लामिछाने