सर्बोच्चले माग्यो जवराबिरुद्ध लगाइएको महाअभियोगको कागजात

खोज पत्रिका शुक्रबार, २०७९ बैशाख २, १७ :३१ बजे

काठमाडौं । निलम्बनमा परेका प्रधानन्यायाधीश चोलेन्द्रशमशेर राणाविरूद्ध महाअभियोग दर्ता गर्दाका कागजात पेश गर्न सर्वोच्च अदालतले आदेश दिएको छ।अधिवक्ता पुण्यप्रसाद खतिवडाले दायर गरेको रिटको सुनुवाइ गर्दै शुक्रबार संवैधानिक इजलास राणाविरूद्धका कागजात पेस गर्न आदेश दिएको हो ।

संवैधानिक इजलासमा कायममुकायम प्रधानन्यायाधीश दीपककुमार कार्की, ईश्वरप्रसाद खतिवडा, आनन्दमोहन भट्टराई, प्रकाशमान सिंह राउत र तेजबहादुर केसी छन् । गत फागुन १ गते सत्तारूढ दलका ९८ सांसदले राणाविरूद्ध महाभियोग दर्ता गरेका थिए। राणाविरूद्धको महाअभियोग असंवैधानिक भन्दै अधिवक्ता खतिवडाले रिट दायर गरेका थिए।

संसदमा महाअभियोग दर्ता भएर महाअभियोग सिफारिस समिति गठन भएको छ। समिति गठन भएपनि राणामाथिको छानबिन सुरू भएको छैन। संसद स्थगित गरेर दलहरु चुनावमा केन्द्रीत भएका कारण उनको कारवाही अघि बढ्न सकेको छैन् ।

क्याटेगोरी : जनगुनासो, प्रमुख समाचार, राजनीति, समाचार
ट्याग : #चोलेन्द्रशमशेर राणा, #सर्वोच्च अदालत