निर्वाचन आयोगको बैठकमा होहल्ला र नाराबाजी, आचारसंहितामा एकतर्फी हस्ताक्षर गर्न लगाएपछि आपत्ति

काठमाडौं । निर्वाचन आयोगमा आचारसंहिताको विषयलाई लिएर उत्पन्न तनाव मत्थर भएपछि अहिले छलफल सुरु भएको छ । स्थानीय तह निर्वाचन आचारसंहिता र ऐन नियम कार्यान्वयनबारे प्रतिबद्धता लिन आयोजना गरेको बैठकमा सना राजनीतिक दलका प्रतिनिधिले आपत्ति जनाएका थिए । दलका प्रतिनिधिहरुको होहल्ला र नाराबाजीपछि आयोग छलफल गराउन तयार भएको नेताहरुले बताएका छन ।

आयोगमा छलफल गर्न स्थानीय तह निर्वाचनका लागि दर्ता भएका ७९ वटै दलका प्रतिनिधिहरू पुगेका थिए । प्रमुख निर्वाचन आयुक्त दिनेशकुमार थपलियाले मन्तव्य राख्दै बैठकको सुरूवात गरेका थिए । उनले निर्वाचन आचारसंहिताबारे धारणा राखेका थिए । त्यसपछि निर्वाचन आयुक्त रामप्रसाद भण्डारीले बैठक बोलाउनुको कारणबारे प्रष्ट्याउने कोसिस गरेका थिए । त्यसक्रममा उनले निर्वाचन ऐन, नियम र आचारसंहिताको व्यवस्थाका बारेमा जानकारी दिए । त्यसपछि दलहरूको धारणा नै नलिई निर्वाचन आचारसंहिता परिपालनाका लागि दलहरूको प्रतिबद्धता मागेका थिए ।

प्रतिबद्धतामा ‘ऐन, नियमहरूमा उल्लेखित व्यहोरालाई नै उल्लेखित गरेर सारांशमा निकालिएको थियो । त्यसक्रममा दलका प्रतिनिधिहरुले केही शब्द आफूहरुले पनि राख्न चाहेको भन्दै आयोगको एकतर्फी धारणाको विरोध गरेका थिए । यसपछि प्रमुख निर्वाचन आयुक्त थपलियाले दलका प्रतिनिधिहरुलाई छलफलमा नभइ प्रतिबद्धता पत्रमा सही गर्न मात्र बोलाएको बताएपछि नेताहरु झन आक्रोशित भएका थिए ।

विपक्षी दलका नेताहरुले सत्तामा बसेका दलहरूको कुरा सुनेर मात्रै निर्णय गर्ने भन्दै आपत्ति जनाएका थिए । साना दलहरूले समेत आपत्ति जनाउन थालेपछि बोल्न चाहने दलहरूलाई पाँच÷पाँच मिनेटको समय दिएर छलफल अगाडि बढाइएको छ ।

थप समाचार

सरकारी कर्मचारीलाई अब १५ दिनमै तलब

पूर्णबहादुर खड्का निवास गोल्फुटारमा गगन थापा, कांग्रेसलाई एकताबद्ध बनाउने प्रयास

रास्वपाको सचिवालय बैठकः वैशाख १५ देखि जिल्ला अधिवेशन शुरु हुने

श्रम संस्कृति पार्टीबारे विज्ञहरुको टिप्पणीः शुरुवात राम्रो छ

सर्वोच्चको फैसलाप्रति खड्का समूह असन्तुष्ट, पुनरावलोकनमा जाने संकेत

पार्टीलाई गाउँको जरादेखि डिजिटल स्क्रिनसम्म पुर्‍याउने काँग्रेसको रणनीति