शेयर बजार अझै ओरालो लाग्ने संकेत, अर्थमन्त्रीको निर्देशन राष्ट्र बैंकले नमान्ने

काठमाडौं । नेपाल राष्ट्र बैंकले आर्थिक वर्ष २०७८/७९ को मौद्रिक नीतिले गरेको व्यवस्थामा तत्कालै पुनर्विचार नगर्ने स्पष्ट पारेको छ । अर्थमन्त्री जनार्दन शर्माले राष्ट्र बैंकका गभर्नर महाप्रसाद अधिकारीले सोमबार मात्रै पुँजी बजारमा देखिएको नकारात्मक परिस्थितिलाई सहज बनाउन निर्देशन दिएका थिए । राष्ट्र बैंकले तत्काल मौद्रिक नीतिमा परिवर्तन नगर्ने भएपछि शेयर बजार फेरि पनि ओरालो लाग्न सक्ने अनुमान गर्न थालिएको छ । अर्थमन्त्री निर्देशनसँगै घट्दो क्रममा रहेको नेप्से परिसूचकमा उछाल आएको थियो ।

मौद्रिक नीतिपछि सेयर बजारमा ओरालो लाग्न थालेपछि लगानीकर्ताले अर्थमन्त्रीलाई गुहारेका थिए । कतिपय लगानीकर्ताले त नेपाल राष्ट्र बैंक अगाडि विरोध प्रदर्शन समेत गरेका थिए । त्यसपछि अर्थमन्त्री शर्माले धितोपत्र बजारमा देखिएको समस्या नीतिगत रुपमा सुल्झाउन गर्भनरलाई महाप्रसाद अधिकारीलाई निर्देशन दिएका थिए । तर, राष्ट्र बैंकले भने मौद्रिक नीतिले गरेका व्यवस्थामा पुनर्विचार गर्न कुनै छलफल र तयारी नगरिएको जनाएको छ ।

राष्ट्र बैंकले मौद्रिक नीतिमार्फत एक बैंक तथा वित्तीय संस्थाबाट ४ करोड रुपैयाँ र एक व्यक्तिले बढीमा १२ करोड रुपैयाँ मात्रै शेयर धितोमा ऋण लिन सक्ने नयाँ नियम ल्याएको छ । यस्तो सीमाले शेयर बजारमा चलखेल गर्न सक्ने खालका ठूला लगानीकर्ता मारमा परेको बताइन्छ । त्यही कारण शेयर बजार घटेको दावी कतिपय लगानीकर्ताको छ । बजारमा गिरावट आएपनि यसले अर्थतन्त्रमा प्रभाव नपर्ने शेयर विश्लेषक विष्णु बस्यालको धारणा छ ।

मौद्रिक नीतिमार्फत राष्ट्र बैंकले सेयर कर्जामा सीमा तोक्दा सर्वसाधारण लगानीकर्ताले व्यक्तिगत रूपमा एक संस्थाबाट ४ करोड र सबै संस्थाबाट १२ करोड रुपैयाँ ऋण लिन पाउने बुझेका थिए । मौद्रिक नीति सार्वजनिक भएको एक सातापछि मात्र कार्यान्वयनका लागि निर्देशन जारी हुँदा एकाघरका परिवारका लागि त्यो सीमा तोकिएको थियो । मौद्रिक नीतिका निर्माणकर्तासम्म पहुँच भएका लगानीकर्ताले निर्देशन जारी हुनु अगावै जानकारी पाइसकेका थिए । यहीकारण उनीहरु निर्देशन जारी हुनुअघि नै सेयर बिक्री गरेर बजारबाट बाहिरिएका थिए ।

शेयर बजारका जानकारहरु त्यही कारण नेप्से परिसूचकमा करेक्सन आएको मान्छन् । बजारका पछिल्लो समय आएको गिरावटलाई कतिपयले स्वाभाविक पनि मानेका छन् । उता राष्ट्र बैंकका अनुसार मौद्रिक नीतिमा प्रत्येक ३/३ महिनामा मात्रै पुनरावलोकन गर्ने प्रचलन रहेको कारण शेयर बजारमा झै करेक्सन आउन सक्ने जानकारहरु बताउँछन् । जुन स्वाभाविक प्रक्रिया समेत हो ।

थप समाचार

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…

भारतले पाकिस्तानबाट हुने आयातमा लगायो पूर्ण प्रतिबन्ध

समाजवादको आधार तयार पारेर मात्रै दुनियाँबाट बिदा हुने संकल्प लिएको…

ओलीले सांसदहरूलाई भनेढुक्क रहनू, हाम्रा सबै नीति सही छन्