नेकपाको स्थायी कमिटीमा चर्काचर्की, प्रचण्डले मागे प्रधानमन्त्रीको राजिनामा

काठमाडौं । केपी शर्मा ओलीले भारतले आफूलाई प्रधानमन्त्रीबाट हटाउन खोजेको अभिब्यक्ति दिएपछि नेकपामा खैलाबैला मच्चिएको छ । सत्तारुढ नेपाल कम्युनिष्ट पार्टी नेकपाभित्र प्रधानमन्त्री केपी शर्मा ओलीको राजनीना समेत मागेपछि अव के हुन्छ भन्ने प्रश्न उब्जिएको छ । गत आइतबार पार्टी अध्यक्ष समेत रहेका प्रधानमन्त्री ओलीले आफुलाई प्रधानमन्त्रीबाट हटाउन भारतीय राजदुतवास र पार्टीकै नेताहरु लागीपरेको बताएपछि ओलीको उक्त भनाइप्रति पार्टीको जारी स्थायी कमिटि बैठकमा राजीनामा माग गरिएको हो ।

पार्टी अध्यक्ष पुष्पकमल दाहाल प्रचण्डले स्थायी कमिटि बैठकमा राजनीनामा भारतले नभइ आफुले मागेको भन्दै दुवै पदबाट राजीनामा दिन माग गरेका थिए । अध्यक्ष प्रचण्डको कुरालाई समर्थन गर्दै पार्टीका वरिष्ठ नेता झलनाथ खनाल, माधवकुमार नेपाल, बामदेव गौतम सहित अन्य नेताहरुले समेत समर्थन गर्दै के आधारमा त्यस्तो गैरजिम्मेवार अभिव्यक्ति दिएको भन्दै प्रमाण पेश गर्न माग गरेका थिए । बैठकमा अध्यक्ष प्रचण्ड र ओलीविच केहीबेर भनाभन समेत भएको थियो । जवाफमा प्रधानमन्त्री ओलीले भारतीय मिडियाहरुमा बैठकभित्र भएका कुराहरु कसरी हुबहु बाहिर आए भनेर प्रश्न गरेका थिए । नेकपा अध्यक्षद्धय ओली र प्रचण्डबीच चर्काचर्की भएपछि बैठक हलमा समेत हल्ला खल्ला भएको थियो । प्रधानमन्त्रीलाई पछिल्लो अभिव्यक्तिले थप अप्ठेरोमा पारेको छ । त्यस्तै, विवादकै क्रममा अन्य नेताहरुले असुहाउँदो गरी राखिएको ओली र प्रचण्डको कुर्सी हटाउनुपर्ने आवाज उठाएका थिए । नेताहरु अष्ठलक्ष्मी शाक्य, लघुजी पन्तलगायतले राजशी शैलीको कुर्सी हटाउनुपर्ने आवाज उठाएका थिए । त्यसपछि कुर्सी तल सारिएको थियो । त्यसपछि पनि बैठकमा सहभागीहरुले ओलीको अभिव्यक्तिको कडा आलोचना गरेका थिए ।

थप समाचार

एकै ठाउँमा ७ गाडी दुर्घटनाः २७ घाइतेको उद्धार, २ को…

मलाई जसरी पनि पक्राउ गर्नपर्‍यो भनेर प्रधानमन्त्री लाग्नुभएको छः ओली

रुपन्देही–२ मा उम्मेदवार बन्ने निकोलस भूसालको घोषणा

एनपीएल–२ः पोखराको सान्त्वना जित, चितवन ८ विकेटले पराजित

महाधिवेशन र निर्वाचनको तयारी सँगसँगै अघि बढ्छः गगन थापा

अफगानिस्तान–पाकिस्तान सीमामा भएको झडपमा चार जनाको मृत्यु