जनगुनासोदेश/दुनियाँसमाचार

ठाउँ–ठाउँमा पहिरो बिभिन्न सडकखण्ड अवरुद्ध

0

काठमाडौं । अबिरल बर्षाका कारण ठाउँ ठाउँमा पहिरो जाँदा बिभिन्न सडक खण्ड अवरुद्ध भएका छन् । नारायणगढ–मुग्लिङ सडकखण्ड फेरि अवरुद्ध भएको छ । चितवनको इच्छाकामना गाउँपालिका–६ चारकिलोमा पहिरो खसेपछि सडक अवरुद्ध भएको मुग्लिङ प्रहरीले जनाएको छ । हिजोदेखि नै खुल्ने र बन्द हुने क्रम चलिरहेकोमा आज बिहान ४ बजेतिर चारकिलोमा पहिरो गएपछि फेरि अवरुद्ध भएको प्रहरीले जनाएको हो ।

यस्तै, पृथ्वी राजमार्ग अन्तर्गत नौबिसे–मुग्लिङ सडकखण्ड सञ्चालनमा आउन आज दिनभर नै लाग्ने भएको छ । तर, लगातार पानी परेको र अरु साना पहिरो खस्ने, रुख ढल्ने भएकाले थप समस्या भएको हो । धादिङको मौवाखोलामा रहेको पुलको केही भाग बगेपछि यो सडकखण्ड अवरुद्ध भएको हो । अप्ठ्यारो ठाउँमा रहेको पुलको आधा भाग नै खोलाले बगाएकाले डाइभर्सनको लागि पनि समस्या भएको धादिङ प्रहरीले जनाएको छ । डाइभर्सन बगाएदेखि नै मुग्लिङ भएर धादिङ हुँदै काठमाण्डौ चल्ने कुनै पनि गाडी यो खण्डमा चलेका छैनन् । यात्रुलाई पैदल हिँड्नसमेत समस्या भएको छ ।

लामो समयदेखि अवरुद्ध अरनिको राजमार्ग अन्तर्गतका विभिन्न सडकखण्ड पनि अझै सञ्चालनमा आएका छैनन् । सडकखण्डको जबमु, झ्याले, डाकलांगलगायतका ठाउँमा सडक भासिँदा तथा पुल बगाएकाले सञ्चालन हुन नसकेको हो । साँफेबगर मार्तडी सडकखण्ड पनि बन्द नै छ । बुढीगङ्गा नदीले कटान गरेपछि अवरुद्ध यो सडकखण्ड खुल्न पनि समय लाग्ने विभागले जनाएको छ । यस्तै कान्ति लोकपथ पनि अझै सञ्चालनमा आएको छैन । पहिरोका कारण अवरुद्ध सडकखण्ड सञ्चालनमा आउन पनि समय लाग्ने भएको छ । यस्तै, बेशी शहर चामे सडकखण्ड पनि अवरुद्ध छ ।

बीरगञ्जमा ३२ जनामा कोरोना पुष्टि, निशेधाज्ञा जारी गर्नुपर्ने मेयरको प्रस्ताव

Previous article

काठमाडौं, पर्सा र झापामा सबैभन्दा बढी कोरोना संक्रमित भेटिए

Next article

You may also like