अर्थदेश/दुनियाँसमाचार

४१ अर्ब फसेको भन्दै अब उधारोमा सिमेन्ट नदिने उद्योगीको घोषणा

0

काठमाडौं । नेपाल सिमेन्ट उत्पादक संघले उधारोमा सिमेन्ट बिक्री नगर्ने घोषणा गरेको छ । बजारमा ४१ अर्बभन्दा बढी रकम उधारो फसेर उद्योगहरु अप्ठ्यारोमा परेको भन्दै संघले बिहीबारबाट लागु हुने गरी उधारो कारोवार नगर्ने जानकारी गराएको हो ।

संघका अध्यक्ष ध्रुब थापाले लकडाउनको मारमा परेका उद्योगीहरु बजारबाट उधारो नउठ्दा थप समस्यामा परेको भन्दै उद्योग र उद्योगी लाई संकटमा पुर्याउनुभन्दा उधारो कारोबार रोक्ने पक्षमा पुगेको बताए । देशभरका हार्डवेयर व्यवसायीसँग सिमेन्ट उद्योगीले ४१ अर्ब भन्दा धेरै बक्यौता उठाउन बाँकी रहेको उनको दाबी थियो । उपभोक्तालाई सस्तोमा सिमेन्ट बिक्री गर्न उद्योगहरुलाई प्रोत्साहन गदै संघले डिलरलाई दिने स्कीममा समेत सीमा तोकेको छ । उद्योगहरुले डिलर तथा ग्राहकलाई सुन चाँदीको सिक्का, विदेश भ्रमण जस्ता अफर रोकेर वार्षिक तथा मासिक स्कीम २० प्रतिशत भन्दाबढी नबढाउन निर्देशन नै दिएको छ ।

कर्पोरेट तथा निर्माण कम्पनीलाई बैंक ग्यारेन्टीमा मात्रै ६० दिन भित्र तिर्नेगरी सिमेन्ट बिक्री गर्न पनि संघले भनेको छ । साउन १ भन्दा अघिको उधारो सूची तयार गरेर उधारो असुली संयन्त्रमा पठाउने तयारी समेत संघले थालेको छ ।

सरकारी निकायमा रोकिएन फजुल खर्च, स्थानीय तहले बजेट प्रस्तुत गर्दा भत्ता

Previous article

सभापति देउवाले गरेको मनोनयनविरुद्ध पौडेल,कोइराला र यादवको उजुरी

Next article

You may also like

More in अर्थ