एमसीसी बिरुद्ध दाङको घोराहीमा युवाहरुको प्रदर्शन

काठमाडौं । मिलेनियम च्यालेन्ज कर्पोरेसन एमसीसी सम्झौता खारेज गर्नुपर्ने भन्दै दाङको घोराहीमा युवाहरुले विरोध प्रदर्शन गरेका छन् । स्वतन्त्र युवाहरु जम्मा भएर सरकारलाई एमसीसी पारित गर्नबाट रोक्न दवाव मूलक बिरोध प्रदर्शन गरेका हुन् ।

सरकारले १५ जेठमा घोषणा गरेको बजेटमा एमसीसी परियोजनासँग सम्बन्धित विषय समावेश गरेपछि एमसीसीको विरोधमा विभिन्न कार्यक्रम भइरहेका छन्। प्रदर्शनकारीले एमसीसी सम्झौता राष्ट्रघाती भएको भन्दै खारेज हुनुपर्ने माग गरेका छन् ।

त्यस्तै, कोरोनाको उपचारमा ध्यान नदिएको, क्वारेन्टाइन ब्यवस्थित नभएको भन्दै उनीहरुले तत्काल समस्या समाधान गर्न सरकारसँग माग गरेका छन् । उनीहरुले भौतिक दुरी कायम गरी प्लेकार्ड सहित र्याली गरेका थिए ।