अर्थप्रमुख समाचारसमाचार

सुनको मुल्यमा १० हजार ४ सय बढ्यो, पुग्यो ८७ हजार ४ सय

0

काठमाडौं । नेपाल सुन चाँदी व्यवसायी महासंघले साढे दुई महिनापछि सुन चाँदीको मू्ल्य तोकेको छ । लकडाउन लागू भएदेखि अर्थात चैत ११ गतेदेखि कारोबार बन्द भएको सुन–चाँदीको मूल्य आइतबार तोकिएको हो । आइतबार प्रतितोला सुनको मूल्य ८७ हजार ४ सय रुपैयाँ कायम गरिएको महासंघले जनाएको छ । यसअघि चैत १० गते प्रतितोला सुन ७७ हजार रुपैयाँमा कारोबार भएको थियो ।

साढे दुई महिनामा १० हजार ४ सय रुपैयाँले सुनको मूल्य बढेको हो। यस्तै चाँदीको मूल्यमा पनि प्रतितोला २०५ रुपैयाँले वृद्धि भएको छ। चैत १० गते प्रतितोला ७२० रुपैयाँमा कारोबार भएको चाँदीको मूल्य आइताबर ९२५ रुपैयाँ तोकेको छ। अब दैनिक रुपमा अन्तर्राष्ट्रिय बजारअनुसार सुनचाँदीको मूल्य निर्धारण गरिने महासंघले जनाएको छ। सरकारले लकडाउनको मोडालिटी परिवर्तन गर्ने प्रक्रियाअनुसार सुनचाँदी व्यवसायीले पनि आंशिक रुपमा व्यापार संचालन गर्ने जनाएको छ।

३२ जना प्रहरीमा कोरोना संक्रमण, भय र त्रासका बीच खटिन बाध्य

Previous article

कोरोना उपचारपछि एकै दिन १ सय २ डिस्चार्ज, २ सय १३ संक्रमित थपिए

Next article

You may also like

More in अर्थ