प्रमुख समाचारविदेशसमाचारस्वास्थ्य

कोरोनाकै कारण बेलायतमा ६० नेपालीको मृत्यु

0

काठमाडौं २९ बैशाख । कोरोना भाइरसकै कारण बेलायतमा मात्रै ६० नेपालीहरुले ज्यान गुमाएका छन् । सोमबार साँझसम्मको बिवरण अनुसार बेलायतमा ६० जना नेपालीहरुको कोरोनाका कारण मृत्यु भएको नेपाली दूतावास लन्डनले जनाएको छ । मृत्यु हुनेहरुमा ५० जना पुरुष र १० जना महिला छन् । सबैभन्दा बढी मृत्यु हुनेहरुमा भूतपूर्व गोर्खा सैनिकहरु छन् । अहिलेसम्म ४९ जना पूर्वगोर्खा सैनिक तथा ११ जना गैरगोर्खाले ज्यान गुमाएका हुन् । यस्तै, २० जनाको लन्डनभित्र र बाँकी ४० जनाको लन्डनभन्दा बाहिरका विभिन्न स्थानमा मृत्यु भएको हो । मृत्यु हुनेमा धेरैजसो ७० वर्षमाथिका छन् । नेपाली दूतावास लन्डन र गोर्खा वेल्फेयर ट्रष्ट, भूतपूर्व गोर्खाका संघसंस्था लगायतको संयुक्त प्रयासमा तथ्यांक सार्वजनिक गरिएको हो । विश्वभरिमा हालसम्म कुल ८७ जना नेपालीहरुको कोरोनाको कारण ज्यान गुमाएका छन् । संयुक्त राज्य अमेरिकामा कोरोना भाइरसका कारण ज्यान गुमाउनेको संख्या १५ पुगेको छ । न्युयोर्कमा १२, कोलोराडोमा दुई र भर्जिनियामा एक जनाको मृत्यु भएको छ भने संयुक्त अरब इमिरेट्स युएइ मा ६ तथा आयरल्याण्ड, जापान, टर्की, नेदरल्याण्डस, बहराइन र स्वीडेनमा एकएक जनाको कोरोना भाइरसका कारण ज्यान गएको समेत एनआरएनएले जानकारी दिएको छ ।

नेपालमा एकै दिन २४ जनामा कोरोना संक्रमण, संक्रमितको संख्या १३४ पुग्यो

Previous article

बैशाखमा किन निरन्तर पानी परिरहेको छ ?

Next article

You may also like