देश/दुनियाँप्रमुख समाचारसमाचार

नेपालमा २४ घण्टामा कोरोना संक्रमित भेटिएनन्

0

काठमाडौं १८ बैशाख । नेपालमा कोरोनाभाइरसका नयाँ संक्रमित नदेखिएको स्वास्थ्य तथा जनसंख्या मन्त्रालयले जनाएको छ । बिहिबार स्वाथ्य मन्त्रालयमा आयोजित पत्रकार सम्मेलनमा पछिल्लो २४ घण्टामा कुनै पनि नयाँ कोरोना संक्रमित नभेटिएको मन्त्रालयले जनाएको छ । प्रवक्ता डाक्टर बिकास देवकोटाका अनुसार हालसम्म १२ हजार ११ जनाको पीसीआर परीक्षण र ४६ हजार ८ सय ६० जनाको आरडीटी परीक्षण गरिएको जानकारी दिनुभयो । पछिल्लो २४ घण्टामा १ हजार ६८२ जनाको परीक्षण गरिएको छ । हालसम्म प्रदेश १ मा ४ हजार ९ सय ८५, प्रदेश २ मा ५ हजार ४ सय ५६, बागमती प्रदेशमा ८ हजार ३ सय ६१, गण्डकी प्रदेशमा ५ हजार ४ सय ११ जनाको आरडीटी परीक्षण गरिएको छ । त्यस्तै, प्रदेश ५ मा ३ हजार ७ सय ९९, कर्णाली प्रदेशमा ५ हजार ४ सय ३६ र सुदूरपश्चिम प्रदेशमा १३ हजार ४ सय ११ जनाको आरडीटी परीक्षण गरिएको मन्त्रालयले जनाएको छ । हाल क्वारेन्टाइनमा २३ हजार ३ सय ३६ रहेका छन् भने ८० जना आइसोलेसनमा छन् । हालसम्म नेपालमा ५७ जना संक्रमित फेला परेका छन् भने १६ जना उपचारपछि निको भएर घर फर्किसकेका छन् । ४१ जनाको विभिन्न अस्पतालमा उपचार भइरहेको र सबैको स्वास्थ्य अवस्था सामान्य रहेको मन्त्रालयले जनाएको छ ।

रोल्पामा बम बिष्फोट हुँदा ४ जना बालबालिकाको मुत्यु

Previous article

आगामी आर्थीक बर्षका लागि १७ खर्ब रुपैयाँभन्दा बढीको बजेट

Next article

You may also like