साउदी अरबद्वारा तेल प्रशोधन केन्द्रमा इरानको हात रहेको दाबी

काठमाडौं २ असोज । साउदी अरबले आफनो तेल प्रशोधन केन्द्रमा भएको आक्रमणमा इरानको हात रहेको आरोप लगाउँदै केही प्रमाण सार्वजनिक गरेको छ । साउदी अरबको रक्षा मन्त्रालयले आक्रमणमा प्रयोग भएको ड्रोन र क्रुज मिसायलको अवशेष देखाउँदै आक्रमणको पछाडी इरानको हात रहेको दावी गरेको हो । मन्त्रालयका अनुसार आक्रमणमा प्रयोग भएका १८ ड्रोन र सातवटा क्रुज एकै दिशाबाट आएका हुन् । प्राप्त प्रमाणका आधारमा आक्रमणमा हुथी विद्रोहीको संलग्नता नदेखिएको जनाइएको । हुथी विद्रोहीले भने आक्रमणको जिम्मेवारी आफैले लिएको छ । इरानले भने आफूमाथि लगाएका सबै आरोप अस्वीकार गरेको छ ।