प्रमुख समाचारसमाचार

आइतबारबाट त्रिभुवन अन्तर्राष्ट्रिय विमानस्थल दैनिक सात घण्टा बन्द

0

काठमाडौं १५ भदौ । आइतबारदेखि लागु हुने गरी त्रिभुवन अन्तर्राष्ट्रिय विमानस्थल सात घण्टा बन्द गरिएको छ । विमानस्थलको स्तरोन्नतीको दोस्रो चरणको काम अघि बढाउन विमानस्थल बन्द गरिएको हो । विमानस्थल राति ११ बजेदेखि बिहान साढे ६ बजे सम्म बन्द गरिएको विमानस्थल कार्यालयले जनाएको छ । पहिलो चरणमा विमानस्थालको धावनमार्गको स्तरोन्नती गरिएको थियो । त्यसको करिब ९५ प्रतिशत काम पूरा भएको र दोस्रो चरणमा ट्याक्सी वे र लिंक रोड निर्माणको काम हुने जनाइएको छ । विमानस्थल सात घण्टा बन्द गरिने भए पनि नेपाल वायुसेवा निगमको ओसाका उडानलाई त्यसले असर नगर्ने जनाइएको छ । राति साढे २ बजे ओसाका उडानका क्रममा आधा घण्टा विमानस्थलको काम रोकिने विमानस्थल कार्यालयले जनाएको छ । सो समयमा पर्ने अन्य उडानको कार्यतालिका भने सामान्य हेरफेर हुन सक्ने जनाइएको छ ।

जाजरकोटमा पहिरोले घर पूरिदा एकै परिवारका तीन जनाको मृत्यु

Previous article

हरिसिद्धि फुटसलले जित्यो दोस्रो लखुर खुल्ला फुटसल

Next article

You may also like