फेरि बढ्यो सुनको मूल्य, पुग्यो तोलाको ७० हजार

खोज पत्रिका बिहिबार, २०७६ साउन २३, १२ :२० बजे

काठमाडौं २३ साउन । सुनको मूल्य इतिहासमै उकालो लागेको छ । नेपाल सुनचाँदी व्यवसायी महासंघका अनुसार बुधबार ६९ हजार पाँच सय रुपैयाँमा कारोबार भएको छापावाला सुनको मूल्य बिहीबार तोलामा पाँच सय रुपैयाँले बढेर ७० हजार पुगेको हो । यस्तै तेजाबी सुनको मूल्य तोला पनि पाँच सय रुपैयाँले बढेर ६९ हजार सात सय पुगेको छ। बुधबार तेजाबी सुनको मूल्य तोलामा ६९ हजार दुई सय रुपैयाँ थियो । चाँदीको मूल्य तोलाको १५ रुपैयाँले बढेर आठ सय २५ रुपैयाँमा कारोबार भइरहेको छ। हप्ताको पहिलो दिन छापावाल सुनको मूल्य तोलाको ६६ हजार तीन सय थियो । हप्ताको पाँचौँ दिनसम्ममा सुनको मूल्य तोलामा तीन हजार सात रुपैयाँ बढेको छ ।

क्याटेगोरी : अर्थ, प्रमुख समाचार, समाचार
ट्याग : #sun