अर्थप्रमुख समाचारलाेकसेवा/जागिरसमाचारस्वास्थ्य

जान भने बन्द, स्वास्थ्य परीक्षण भने खुला

0

काठमाडौं २३ साउन । मलेसिया रोजगारी बन्द भएको १४ महिना बितिसक्दा पनि अझैसम्म खुल्न सकेको छैन । तर अब सरकारले मलेसिया जानका लागि स्वास्थ्य संस्थाहरुको सूची सार्वजनिक गरेको छ । सूचि प्रकाशन भएसँगै समस्याको एउटा गाँठो फुकेको छ । मलेसिया जाने कामदारले कहाँ स्वास्थ्य परीक्षण गर्ने भन्ने अन्योल सकिएको छ । श्रम, रोजगार तथा सामाजिक सुरक्षा मन्त्रालयले स्वास्थ्य संस्थाहरुको मापदण्ड पुरा भएको भन्दै ३१ वटा स्वास्थ्य संस्थाहरुलाई सूचिकृति गरेको छ । मन्त्रालयलका अनुसार आवेदन दिएका ५८ वटा स्वास्थ्य संस्था मध्ये अनुगमन गर्ने क्रममा २२ वटा मापदण्ड नपुगेको, ५ वटा बन्द भएको र ३१ वटा मापदण्ड पुुरा भएको पाइएको थियो । मलेसिया रोजगारीमा जाने कामदारको स्वास्थ्य परीक्षण गर्न २ सय ९० स्वास्थ्य संस्था इच्छुक देखिएका थिए । तर श्रम मन्त्रालयको अनुगमन टोलीले पहिलो पटकको अनुगमनबाट ९९ वटा स्वास्थ्य संस्थाहरु छनोट गरेको थियो । पहिलो पटकको अनुगमनबाट छनोटमा नपरेका स्वास्थ्य संस्थाहरुले पुनः सूचिकृत गरिपाऊँ भन्दै गरेको उजुरीका आधारमा मन्त्रालयले दोस्रो पटक पुुरक अनुगमन गरेको थियो । पुरक अनुगमनबाट ३१ वटा स्वास्थ्य संस्था सूचिकृत भएका मन्त्रालयले बताएको छ । नेपाल सरकारका तर्फबाट छनोट भएका स्वास्थ्य संस्थालाई मलेसिया सरकारकारले अनुगमन गरी बायोमेट्रिक प्रणालीमा मान्यता दिएपछि मलेसिया रोजगारी सुचारु हुने छ । मलेसिया सरकारले श्रम समझदारी अनुसार कामदार लैजाने इच्छा देखाएपछि मात्रै मलेसिया रोजगारी सूचारु हुने अपेक्षा गरिएको छ । तर कहिले हुन्छ ठेगान छैन । २०७५ कात्तिक १२ गते मलेसिया सरकार र नेपाल सरकारबीच भएको श्रम समझदारी पत्रमा कामदारको सम्पूर्ण लागत खर्च रोजगारदाता कम्पनीले नै बेहोर्ने उल्लेख छ । तर, श्रम समझदारीको ९ महिना बितिसक्दा पनि कलिङ भिसा लागेका कामदारहरु पुरानै प्रक्रियामार्फत मलेसिया गइरहेका छन् । स्वास्थ्य परीक्षणसम्बन्धी अन्योल हटेसँगै अब सम्झौता कार्यान्वयनमा जोड दिनु जरुरी छ ।

किन बढ्दैछ दुव्र्यसन,रोक्ने प्रयास कसैको छैन्

Previous article

फेरि बढ्यो सुनको मूल्य, पुग्यो तोलाको ७० हजार

Next article

You may also like

More in अर्थ