काठमाडौं १९ जेठ । अन्ततः लिभरपुलले च्याम्पियन्स लिग फुटबलको उपाधि जितेको छ । शनिबार राति भएको फाइनलमा टोटनहृयामलाई २-० गोल अन्तरले पराजित गर्दै लिभरपुलले उपाधि जितेको हो । लिभरपुललाई उपाधि दिलाउन मोहमद सलाह र डिभोक ओरिगीले गोल गरेका थिए । सलाहले खेलको दोस्रो मिनेटमा नै पेनाल्टीबाट गोल गर्दै लिभरपुललाई अग्रता दिलाएका थिए । मौसा सिसोकोले हृयान्ड गरेपछि लिभरपुलले पेनाल्टी पाएको थियो । खेलको सुरुवाती समयमै अग्रता लिएको लिभरपुलले निकै राम्रो प्रदर्शन गर्यो । सलाहकै गोलबाट लिभरपुलले पहिलो हाफसम्म १-० गोलको अग्रता बनाएको थियो । ८७ औं मिनेटमा लिभरपुलले दोस्रो गोल गर्न सफल भयो । लिभरपुलका लागि ओरिगीले गोल गर्दै २-० को अग्रता दिलाए । दुई गोलको अग्रता बनाएपनि लिभरपुल टोटनहृयामविरुद्ध दबाबमा खेलेको थियो । खेलअवधिभर बल आफ्नो पकडमा राखेपनि टोटनहृयामले गोल गर्न भने सकेन । निर्धारित समयसम्म टोटनहृयामले गोल गर्न नसकेपछि लिभरपुलले खेल २-० गोलअन्तरले पराजित गर्दै छैटौ पटक च्याम्पियन्स लिगको उपाधि जितेको हो ।
क्याटेगोरी : प्रमुख समाचार, समाचार
ट्याग : #khel
थप समाचार
ताजा खबर
- १काठमाडौं उपत्यकासहित ७० बढी जिल्लामा एकसाता थपियो निषेधाज्ञा
- २पाकिस्तानमा बेपत्ताको खोजी र छानविन गर्न परिवारको माग
- ३न फुट्न सक्ने न जुट्न सक्ने नेकपा एमाले, ओली र नेपालको आ-आफ्नै रणनिति
- ४आज पाँचै प्रदेशमा भारी बर्षा, लुम्ले र घोरेपानी क्षेत्रमा खतराको साइरन बजाइयो
- ५प्रधानमन्त्री ओलीले चिकित्सा शिक्षा आयोगका उपाध्यक्ष गिरीलाई दिएकै हुन त धम्की ?
तपाईको कमेन्ट लेख्नुहोस्