खैरो ब्राउन सुगर सहित एक जना पक्राउ

शिवु खनाल
दाङ ८ जेठ । दाङ लमहीमा ७ ग्राम ४० मिलिग्राम ब्राउन सुगर सहित एक जना पक्राउ परेका छन् । दाङको लमही नगरपालिका ५ रातोडाडा निवासी ३० बर्षिय चुर्णसिंह ठकुरी ब्राउन सुगर सहित पक्राउ परेका हुन् । उनलाई वडा प्रहरी कार्यालय लमहीको टोलीले अर्जुनखोलाबाट पक्राउ गरेको वडा प्रहरी कार्यालयका प्रमुख अरुणकुमार सिंहले जानकारी दिए । नेपालगन्जबाट ब्राउन सुगर ल्याएर आउँदै गरेको सूचनाको आधारमा ठकुरी पक्राउ गरिएको हो । अदालत बाट अनुसन्धानको लागि पाँच दिनको म्याद थप गरिएको छ ।